ചെങ്ങന്നൂര്: പരുമല പമ്പാ കോളേജില് മാര്ക്സിസ്റ്റ് ആക്രമത്തില് കൊലചെയ്യപ്പെട്ട പി.എസ്. അനു, കിം കരണാകരന്, സുജിത്ത് എന്നിവരുടെ 19-ാം ബലിദാനദിനാചരണം 17ന് വൈകിട്ട് നാലിന് ബിജെപി ദേശീയ നിര്വ്വാഹക സമിതി അംഗം ഒ. രാജഗോപാല് ഉദ്ഘാടനം ചെയ്യും. പരുമല ബലിദാന് ട്രസ്റ്റ് സെക്രട്ടറി മധു പരുമല അദ്ധ്യക്ഷത വഹിക്കും. യോഗത്തില് പരുമല പമ്പാ കോളേജില് നിന്നും ഉന്നത വിജയം കരസ്ഥമാക്കിയ വിദ്യാര്ത്ഥികള്ക്ക് പരുമല ബലിദാന് ട്രസ്റ്റ് ഏര്പ്പെടുത്തിയ എന്ഡോവ്മെന്റ് വിതരണം ചെയ്യും.
ആര്എസ്എസ് സംസ്ഥാന കാര്യകാരി സദസ്യന് വത്സന് തില്ലങ്കേരി അനുസ്മരണ പ്രഭാഷണം നടത്തും. യുവമോര്ച്ചയും പരുമല ബലിദാന് ട്രസ്റ്റും ചേര്ന്നാണ് സമ്മേളനം സംഘടിപ്പിച്ചിരിക്കുന്നത്. സംഘടനാ സമിതി രൂപീകരണ യോഗത്തില് ആര്എസ്എസ് താലൂക്ക് കാര്യവാഹ് എച്ച്. അരുണ് അദ്ധ്യക്ഷത വഹിച്ചു. ജില്ലാ ബൗദ്ധിക് പ്രമുഖ് കെ.പ്രസാദ് മുഖ്യപ്രഭാഷണം നടത്തി.
ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്, ജനറല് സെക്രട്ടറി കെ. സോമന്, ജില്ലാ സെക്രട്ടറി എം.വി. ഗോപകുമാര്, ട്രഷറര് കെ.ജി. കര്ത്ത, നിയോജകമണ്ഡലം പ്രസിഡന്റ് ബി.കൃഷ്ണകുമാര്, യുവമോര്ച്ച നേതാക്കളായ സാജന്, പ്രമോദ്, ശ്രീരാജ് ശ്രീവിലാസം, ശ്രീക്കുട്ടന്, ഗോപന് ചെന്നിത്തല, സുരേഷ് അശ്വനി, ജലേഷ് മാന്നാര്, മോഹനന് വല്ല്യവീട്ടില്, രാജേഷ് ഗ്രാമം എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: