കോട്ടയം: ജില്ലാ പഞ്ചായത്ത് നടപ്പാക്കുന്ന ഗുരുകുലം പദ്ധതി പഠിക്കുന്നതിനും വിദ്യാഭ്യാസ പ്രവര്ത്തനങ്ങള് അറിയുന്നതിനുമായി യുനീസെഫ് പ്രതിനിധികള് നാളെ ജില്ലയിലെത്തുമെന്ന് ജില്ലാ പഞ്ചായത്ത് പ്രസിഡന്റ് നിര്മ്മലാ ജിമ്മി പത്രസമ്മേളനത്തില് അറിയിച്ചു. ഗുരുകുലം സംഗമ പരിപാടിയുടെ ഭാഗമായി നടത്തുന്ന വിദ്യാഭ്യാസ സമ്മേളനത്തിലും ജില്ലയിലെ 231 ഹൈസ്കൂള് കുട്ടികള് തയ്യാറാക്കിയ കൈയെഴുത്ത് മാസികകളുടെ പ്രദര്ശനത്തിലും യുനിസെഫ് പ്രതിനിധികള് പങ്കെടുക്കും.
ഗുരുകുലം പദ്ധതിയുമായി ബന്ധപ്പെട്ട സംഗമം 16, 17 തീയതികളില് കോട്ടയം എം.ടി സെമിനാരി ഹയര്സെക്കന്ററി സ്കൂള് ഓഡിറ്റോറിയത്തില് നടക്കും. ഗുരുകുലം സംഗമത്തിന്റെ ഭാഗമായി വിദ്യാഭ്യാസ സമ്മേളനം, ചര്ച്ചകള്, ഗുരുകുലം ആശയം ഉള്ക്കൊള്ളുന്ന കൈയെഴുത്ത് മാസികകളുടെ പ്രദര്ശനം, ഗുരുകുലം ഗാനസംഗമം, കുട്ടികളുടേയും അദ്ധ്യാപകരുടേയും രക്ഷാകര്ത്താക്കളുടേയും ഒത്തുചേരല്, ഗുരുകുലംപ്രവര്ത്തക സംഗമം, അവാര്ഡുദാനം എന്നിവ സംഘടിപ്പിക്കും. 16ന് രാവിലെ 11 ന് എം.ടി.സെമിനാരി ഹയര്സെക്കന്ററി സ്കൂള് ഓഡിറ്റോറിയത്തില് ഗുരുകുലം കൈയെഴുത്തുമാസികകളുടെ പ്രദര്ശനം എയര് ഇന്ത്യാ മുന് ചെയര്മാന് റോയി പോള് ഐഎഎസ് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് നിര്മ്മലാജിമ്മി അദ്ധ്യക്ഷതവഹിക്കും. തുടര്ന്ന് നടക്കുന്ന വിദ്യാഭ്യാസ സമ്മേളനത്തില് യൂനീസെഫ് ചെന്നെ മേഖലാ ഡയറക്ടര് ജോസ് സക്കറിയ നേതൃത്വം നല്കും. ജില്ലയിലെ വിദ്യാഭ്യാസ പ്രവര്ത്തകരും ജനപ്രതിനിധികളും തെരഞ്ഞെടുത്ത വിദ്യാര്ത്ഥികളും വിദ്യാഭ്യാസ ചര്ച്ചയില് പങ്കെടുക്കും. 17ന് 2 ന് നടക്കുന്ന സമാപന സമ്മേളനവും അവാര്ഡുദാനവും മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും. തുടര്ന്ന് ഗുരുകുലം കലാപരിപാടി നടക്കും.
പത്രസമ്മേളനത്തില് ജില്ലാ പഞ്ചായത്ത് പ്രസിഡന്റ് നിര്മ്മലാ ജിമ്മി, വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാന് സുധാകുര്യന്, ഗുരുകുലം പദ്ധതി കോര്ഡിനേറ്റര് അഡ്വ.ഫില്സണ്മാത്യൂസ്, ,ഡെപ്യൂട്ടി ഡയറക്ടര് പി.പി.പോള്, സാക്ഷരതാ മിഷന് ജില്ലാ കോര്ഡിനേറ്റര് ഡോ.വി.വി.മാത്യു എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: