മുതുകുളം: ബൈക്കിലെത്തിയ ഏഴംഗ സംഘം യുവമോര്ച്ച നേതാവിന്റെ വീട് ആക്രമിച്ചു. യുവമോര്ച്ച ഹരിപ്പാട് നിയോജക മണ്ഡലം സെക്രട്ടറി മുതുകുളം വെട്ടത്ത് മുക്കിന് വടക്ക് പുത്തന്കണ്ടത്തില് അഭിജിത്തിന്റെ വീടിന് നേരെയാണ് അക്രമം നടത്തിയത്. ചൊവ്വാഴ്ച രാത്രി 11 ഓടെ സമീപത്തെ അറിയപ്പെടുന്ന കഞ്ചാവ് ലോബിയില്പ്പെട്ട കാര്യാടിയില് അനന്തു (അജയകുമാര്)വിന്റെ നേതൃത്വത്തിലുള്ള സംഘമാണ് വീടിന് നേരെ അക്രമം നടത്തിയത്.
കമ്പി വടികളും മറ്റ് മാരാകായുധങ്ങളുമായെത്തിയ സംഘം അസഭ്യം പറഞ്ഞുകൊണ്ട് വീടിന്റെ ജനല് ഗ്ലാസുകള് അടിച്ചുപൊളിക്കുകയായിരുന്നു. സംഘത്തിലുണ്ടായിരുന്ന അജയകുമാര് കഞ്ചാവ് മയക്കുമരുന്ന വില്പ്പന സംഘത്തിന്റെ പ്രധാന ലോബിയും അറിയപ്പെടുന്ന ക്രിമിനല് കുറ്റവാളിയുമാണ്. സംഭവവുമായി ബന്ധപ്പെട്ട് കനകക്കുന്ന് പോലീസ് കേസ്സ് രജിസ്റ്റര് ചെയ്ത് അന്വേഷണം നടത്തിവരുന്നു.
കുറ്റവാളികളെ എത്രയും പെട്ടന്ന് അറസ്റ്റ് ചെയ്യണമെന്ന് യുവമോര്ച്ച നിയോജകമണ്ഡലം ജനറല് സെക്രട്ടറി ഷാജി കരുവാറ്റ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: