തൈക്കാട്ടുശേരി: തെരുവ് നായ്ക്കളെ മുഴുവന് പിടികൂടണമെന്നും, നായ്ക്കളുടെ വന്ധീകരണം നടത്തുവാന് പഞ്ചായത്ത് ഭരണസമിതിയും മൃഗാശുപത്രി ജീവനക്കാരും ഒരുമിച്ച് പ്രവര്ത്തിച്ച് ജനത്തിന്റെ ജീവന് സംരക്ഷണം നല്കണമെന്ന് ആവശ്യപ്പെട്ട് യുവമോര്ച്ചയുടെ നേതൃത്വത്തില് തൈക്കാട്ടുശേരി പഞ്ചായത്ത് ഓഫീസ് മാര്ച്ച് നടത്തി. കഴിഞ്ഞ ദിവസം നായയുടെ ആക്രമണത്തില് കടിയേറ്റ് തൈക്കാട്ടുശ്ശേരി പഞ്ചായത്തിലെ 11 പേര് ഇപ്പോള് വണ്ടാനം മെഡിക്കല് കോളേജില് ചികിത്സയിലാണ്. പിഎസ് കവലയില് നിന്നും തുടങ്ങിയ പ്രകടനം പഞ്ചായത്തിന് മുന്വശം എത്തിയപ്പോള് മാര്ച്ച് ബിജെപി തൈക്കാട്ടുശ്ശേരി പഞ്ചായത്ത് കമ്മറ്റി പ്രസിഡന്റ് കെ. രാജേഷ് ഉദ്ഘാടനം ചെയ്തു. തെരുവ് നായയെ പിടികൂടാന് സ്ക്വാഡ് രൂപീകരിക്കണമെന്ന് അദ്ദേഹം പറഞ്ഞു.
യുവമോര്ച്ച പഞ്ചായത്ത് കമ്മറ്റി കണ്വീനര് റിജോഷ് തോമസ് അദ്ധ്യക്ഷത വഹിച്ചു. ജില്ലാ കമ്മറ്റിയംഗം എം.ടി. മഹില്, സജീഷ് തണ്ടാപ്പള്ളി, യോഗേഷ് ആന്റണി, ആര്. കൃഷ്ണചന്ദ്രന്, ശ്രീജിത്. യു, ബിനീഷ്. സി.ബി. കണ്ണന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: