കൊല്ലം: തൊഴിലാളികള് ഇടതുപക്ഷത്തിന്റെയും വലതുപക്ഷത്തിന്റെയും നേതാക്കളെ തിരിച്ചറിയുന്നതിന്റെ തെളിവാണ് മൂന്നാറിലുണ്ടായ തൊഴിലാളി സമരമെന്ന് ബിഎംഎസ് അഖിലേന്ത്യ സെക്രട്ടറി ദുരൈരാജ് പറഞ്ഞു.
ബിഎംഎസ് കൊല്ലം വെസ്റ്റ് മേഖലയുടെ ദേശീയ തൊഴിലാളി ദിനാഘോഷം അഞ്ചാലുംമൂട്ടില് ഉദ്ഘാടനം ചെയ്യുകയായിരുന്നു അദ്ദേഹം.
മൂന്നാറില് തൊഴിലാളികള് തന്നെയാണ് അവരുടെ നേതാക്കള് മാനേജ്മെന്റില് നിന്നും വാങ്ങിയ പണത്തിന്റെയും വസ്തുവകകളുടെയും വിവരം പുറത്തുവിട്ടത്. തങ്ങളെ ദീര്ഘകാലമായി പറ്റിച്ച തൊഴിലാളി നേതാക്കളെയും ഇടത്-വലതുപക്ഷ എംഎല്എ മാരെയും ജനപ്രതിനിധികളെയും ബഹിഷ്കരിച്ച സമരം കേരളത്തിന് കാട്ടിത്തരുന്നത് പുതിയമാറ്റത്തിന്റെ തുടക്കമാണെന്ന് അദ്ദേഹം പറഞ്ഞു. ഇടത് വലത് ട്രേഡ് യൂണിയനുകളില് കേരളത്തില് ഇല്ലാതായി വരുകയാണെന്നും അതിന്റെ കാരണം പണ്ട് തൊഴിലാളികള്ക്ക് വേണ്ടി മുന്നിരയില് നിന്നു മുദ്രവാക്യം വിളിച്ചവരാണ് ഇന്നത്തെ മുതലാളിമാരെന്നും അദ്ദേഹം ചൂണ്ടിക്കാണിച്ചു.
വിശ്വകര്മ്മ ജയന്തി കേരളത്തിലും അവധി നല്കണം. വിശ്വകര്മ്മജയന്തി അല്ലാതെ മറ്റൊരു ദിനം തൊഴിലാളി ദിനമായി ആചരിക്കാന് ലോകത്തിലില്ലെന്നും അദ്ദേഹം പറഞ്ഞു. ഇടത്പക്ഷ ട്രേഡ് യൂണിയനുകളും തൊഴിലാളി ദിനമായി വിശ്വകര്മ്മ ജയന്തി ആഘോഷിക്കാന് പോകുന്നതിന്റെ ഉദാഹരണമാണ് കഴിഞ്ഞ മെയ് ഒനനിന് നടന്ന അവരുടെ തൊഴിലാളി ആഘോഷത്തിന്റെ കുറവ് സൂചിപ്പിക്കുന്നതെന്നും അദ്ദേഹം കൂട്ടിചേര്ത്തു. മേഖല പ്രസിഡന്റ് പ്രസന്നന് അദ്ധ്യക്ഷത വഹിച്ചു. ജില്ലാ സെക്രട്ടറി ടി.രാജേന്ദ്രന്, മേഖല സെക്രട്ടറി അനില്കുമാര്, ഡി.എസ്.ഉണ്ണി എന്നിവര് സംസാരിച്ചു. നെടുമണ്കാവ് മേഖലയില് നടന്ന തൊളിലാളി പ്രകടനം എഴുകോണില് ജില്ലാ പ്രസിഡന്റ് ബി.ശിവജി സുദര്ശനന് ഉദ്ഘാടനം ചെയ്തു. കൊല്ലം ഈസ്റ്റ് മേഖലയിലെ പരിപാടിയില് എന്ടിയു സംസ്ഥാന വൈസ്പ്രസിഡന്റ് പി.എസ്. ഗോപകുമാര് സംസാരിച്ചു. ചവറയില് നടന്ന പൊതുയോഗത്തില് ജില്ലാജോയിന്റ് സെക്രട്ടറി ആര്. രാധാകൃഷ്ണന് തൊഴിലാളിദിന സന്ദേശം നല്കി. കരുനാഗപ്പള്ളി മേഖലയുടെ പരിപാടി ഓച്ചിറയില് എംപ്ലോയിസ് സംഘ് ജില്ലാസെക്രട്ടറി ശ്രീജിത്ത് ഉദ്ഘാടനം ചെയ്തു. കുണ്ടറയില് നടന്ന തൊഴിലാളി റാലിയെ അഭിസംബോധന ചെയ്തുകൊണ്ട് മുക്കടയില് ജില്ലാ വൈസ് പ്രസിഡന്റ് പി.എന്.പ്രദീപ് സംസാരിച്ചു. കുന്നത്തൂര് മേഖലയില പരിപാടി ശാസ്താംനടയില് ജില്ലാ ജോയിന്റ് സെക്രട്ടറി പി. ജയപ്രകാശും കൊട്ടാരക്കര പുലമണ്ജംഗ്ഷനില് നടന്ന റാലിയില് ജില്ലാ സമിതിയംഗം വിജയലക്ഷ്മിയും സംസാരിച്ചു. പുത്തൂരില് നടന്ന പരിപാടി സി.ഗോപകുമാര് ഉദ്ഘാടനം ചെയ്തു. പത്തനാപുരം മാര്ക്കറ്റ് ജംഗ്ഷനില് നടന്ന പരിപാടിയില് ജില്ലാ ജോയിന്റ് സെക്രട്ടറി പി.കെ. മുരളീധരന് നായര് പങ്കെടുത്തു. പുനലൂര് കെഎസ്ആര്ടിസി ബസ് സ്റ്റാന്റ് പരിസരത്ത് നടന്ന പരിപാടിയില് ബി.ശശിധരനും കുളത്തൂപ്പുഴയില് നടന്ന പരിപാടിയില് ജില്ലാ ജോയിന്റ് സെക്രട്ടറി ആര്.പ്രസന്നനും സംസാരിച്ചു. ചടയമംഗലത്ത് നടന്ന പരിപാടിയില് എന്ജിഒ സംഘ് സംസ്ഥാന വൈസ് പ്രസിഡന്റ് ബി.ജയപ്രകാശ് സംസാരിച്ചു.
പ്രതികരിക്കാൻ ഇവിടെ എഴുതുക: