1. ആഖുഗന്: (ആഖുവാഹനന്) ആഖു=എലി. എലി അല്ലെങ്കില് മൂഷികന് വാഹനമായിട്ടുള്ളവനാകയാല് ഈ പേരുണ്ടായി. മൂഷികവാഹനനെന്നും സംബോധന ചെയ്യാറുണ്ട്.
2. ദൈ്വമാതുരന്: ശ്രീപാര്വതി ആദ്യം ഹസ്തിനി വേഷവും പിന്നീട് സ്വന്തം രൂപവും സ്വീകരിച്ചതിനാല് രണ്ടമ്മമാരുള്ളവനെന്ന അര്ത്ഥത്തില് ഈ പേര് ലഭിച്ചു.
3. ഇഭാനനന്: ഇഭം-ആന, ആനനം= മുഖം. ആനയുടെ മുഖമായതിനാല് ഈ പേരും കിട്ടി.
4. ഹേരംബന്: മഹാദേവ സന്നിധിയില് സദാ സ്ഥിതനായതിനാല് ഈ പേര്.
അത്ര പരിചയമില്ലാത്ത ചില വാക്കുകളുമായും പരിചയപ്പെടാം:-
ചതുര്ത്ഥി: (ജ്യോതിഷം) നാലാംപക്കം. ഏകാദശി, ദ്വാദശി, ത്രയോദശി ഈ മൂന്നുപക്കവും കഴിഞ്ഞിവരുന്നത്. ശുഭകാര്യങ്ങള്ക്ക് ഈ ദിവസം കൊള്ളുകയില്ല. (വര്ജ്യം)
ശകവര്ഷം: ഭാരതസര്ക്കാര് ഔദ്യോഗികമായി അംഗീകരിച്ചിട്ടുള്ളത് ശകവര്ഷമാണ്. ശാലി വാഹനന്റെ (ശകന്) കാലം മുതല് (എ.ഡി. 78 ല്) നിലവിലുള്ള സംവത്സരമാണിത്. ക്രിസ്ത്വബ്ദത്തില് നിന്ന് 78 കുറച്ചാല് ശകവര്ഷം കിട്ടും. (ഉദാ: 2015-78=1937) ഇപ്പോള് ശകവര്ഷം 1937 ആണ്.
ഭാദ്രപാദം: ശകവര്ഷത്തിലെ ആറാം മാസം. ചന്ദ്രന്, ഏതു മാസത്തെ പൗര്ണമിനാള് ഭാദ്രപദ നക്ഷത്ര സമൂഹത്തില് നില്ക്കുന്നുവോ ആ മാസം. (കൊല്ലവര്ഷം, കന്നി-തുലാം)
ശുക്ലപക്ഷം: (വെളുത്തപക്ഷം) കറുത്തവാവു കഴിഞ്ഞാല് വെളുത്തവാവുവരെയുള്ള പതിനഞ്ച് ദിവസം. അതുകഴിഞ്ഞാല് കൃഷ്ണപക്ഷം. (കറുത്തപക്ഷം)
അംഗരാഗം: സ്നാനനന്തരം ശരീരത്തില് പൂശുന്ന സുഗന്ധദ്രവ്യം.
വായസം: കാക്ക. (വായസ പിണ്ഡം: പിതൃക്കള്ക്കുള്ള ശ്രാദ്ധവേളയില് കാക്കയ്ക്കുവേണ്ടി വയ്ക്കുന്ന എള്ളില് കുഴച്ച ചോറിന്റെ ഉരുള)
ഗണപതി ഹോമം: ഈ ഹവനത്തില് തേങ്ങ, ശര്ക്കര, തേന്, കരിമ്പ്, അപ്പം, അട, എള്ള്, പഴം എന്നീ അഷ്ടദ്രവ്യങ്ങള് പ്രധാനം. ശുഭകാര്യങ്ങള് ആരംഭിക്കുന്നതിനു മുന്നോടിയായി. ഈ ഹവനം ചെയ്തുവരുന്നു.
നിത്യജീവിതത്തില് ഗണപതിയുമായി ബന്ധമുള്ള ചില പ്രയോഗങ്ങള് കൂടി:-
ഗണപതിക്ക് കുറിക്കുക: സമാരംഭിക്കുക.
ഗണപതിക്ക് വയ്ക്കുക: ഏതെങ്കിലും പാചകം ചെയ്തുകഴിഞ്ഞാല് അതില് ഒരു പങ്ക് ഗണപതിക്കായി പ്രത്യേകം നീക്കി വയ്ക്കാറുണ്ട്. മനഃശാന്തി ലഭിക്കാനും വിഘ്ന നിവാരണത്തിനുമായിട്ടാണ് ഇത് ചെയ്യുന്നത്.
ഗണപതിക്ക് വച്ചത് കാക്ക കൊണ്ടുപോയി. തുടക്കത്തില് തന്നെ എന്തെങ്കിലും അശുഭമായത് സംഭവിക്കുകയോ കാണുകയോ ചെയ്യുക. ഗുരുത്വക്കേട് പറ്റുക. (ഏതെങ്കിലും പ്രവൃത്തി, പുതുതായി തുടങ്ങുമ്പോള്, വിഘ്നേശ്വരന്, നിറനാഴി, അപ്പം, വട ഇത്യാദി നിവേദിക്കാറുണ്ട്.)
ഗണപതികൊണ്ട് നേരം വെളുപ്പിക്കുക: മുഖവുര വിസ്തരിച്ചു പറഞ്ഞ് കാര്യം സാധിക്കുക. പ്രധാനമായിട്ടുള്ളത് ഉപേക്ഷിച്ച് നിസ്സാരമായിട്ടുള്ളത് സ്വീകരിക്കുക.
ഗണപതി കല്യാണം പോലെ: ഇന്നു ചെയ്യേണ്ടത് ഇന്നുതന്നെ ചെയ്യാതെ, നാളെ നാളെയെന്ന് നീട്ടിവയ്ക്കുക.
പ്രതികരിക്കാൻ ഇവിടെ എഴുതുക: