എരുമേലി: ശബരിമല അയ്യപ്പസേവാസമാജത്തിന്റെ നേതൃത്വത്തില് വര്ഷം തോറും നടത്തിവരാറുള്ള സംസ്ഥാന പഠന ശിബിരം എരുമേലിയില് ഇന്ന് തുടക്കമാകും.
എരുമേലി ശ്രീധര്മ്മശാസ്താ ക്ഷേത്രാങ്കണത്തില് നടക്കുന്ന ശിബിരം തിരുവിതാംകൂര് ദേവസ്വം ബോര്ഡ് അംഗം സുഭാഷ് വാസു 10 മണിക്ക് ഉദ്ഘാടനം ചെയ്യും. 20ന് സമാപിക്കുന്ന പഠന ശിബിരത്തില് അയ്യപ്പ തത്വങ്ങള്, വ്രതാനുഷ്ഠാനങ്ങള്, ശബരിമല, പ്രകൃതിയും അയ്യപ്പന്റെ പൂങ്കാവനവും, ഇരുമുടി, തുടങ്ങിയ വിവിധ വിഷയങ്ങളെക്കുറിച്ച് ക്ലാസുകള് എടുക്കും. സേവാസമാജത്തിന്റെ നേതൃത്വത്തില് പ്രവര്ത്തിക്കുന്ന സംസ്ഥാനത്തെ അയ്യപ്പയോഗങ്ങളില്പെട്ട 200 ഓളം ശിബിരാര്ത്ഥികളാണ് പങ്കെടുക്കുന്നത്. സേവാസമാജം അഖിലേന്ത്യാ ചെയര്മാന് കുമ്മനം രാജശേഖരന് അദ്ധ്യക്ഷന്, ഈറോഡ് രാജന്, മറ്റ് ഭാരവാഹികളായ വി.കെ.വിശ്വനാഥന്, സ്വാമി അയ്യപ്പദാസ്,ടി.കെ.കുട്ടന്,ജെ.ജി.ജയന്,എസ്.രമേശന്നായര്, വിവിധ ഗുരുസ്വാമിമാര്, മഠാധിപതിമാര്, സംഘടനാ പ്രതിനിധികള് എന്നിവരും ക്ലാസുകള് എടുക്കും.
പ്രതികരിക്കാൻ ഇവിടെ എഴുതുക: