കാഞ്ഞിരപ്പള്ളി: ബസ് സ്റ്റാന്ഡിന്റെ പ്രവേശന കവാടത്തില് ദേശീയപാതയിലെ നവീകരണ ജോലികള് മന്ദഗതിയില്.
10 ദിവസത്തിനുള്ളില് ജോലികള് പൂര്ത്തീകരിക്കുമെന്നാണ് അറിയിച്ചിരിക്കുന്നതെങ്കിലും നവീകരണ പ്രവര്ത്തനങ്ങള് എങ്ങുമെത്തിയില്ല. വാട്ടര് അതോറിറ്റിയുടെ പൈപ്പ് ലൈനുകള് സ്ഥാപിക്കുന്ന ജോലികള് വൈകുന്നതിനാല് ദേശീയ പാതയിലെ ടൈല് പാകലും മുടങ്ങി. ക്രഷറുകളും, പാറമടകളും സമരത്തിലായതിനാല് സ്റ്റാന്റ് നവീകരണത്തിനാവശ്യമായ സാമഗ്രികള് ലഭിക്കാത്തതാണ് പ്രവര്ത്തനങ്ങള് വൈകാന് കാരണമെന്ന് പഞ്ചായത്ത് അധികൃതര് അറിയിച്ചു. പൈപ്പ് സ്ഥാപിക്കല് ജോലികള് ഉടന് നടത്താനും വാട്ടര് അതോറിറ്റി മെയിന്റനന്സ് ഡിവിഷിനോട് എംഎല്എ നിര്ദ്ദേശിച്ചു. ബസ് സ്റ്റാന്റ് കവാടത്തില് പൊളിച്ചിട്ടിരിക്കുന്ന ഓടകളുടെ നിര്മ്മാണം ഉടന് പൂര്ത്തിയാക്കി സ്റ്റാന്റിലേക്ക് ബസുകള് പ്രവേശിക്കുന്നതിനുള്ള നടപടികള് സ്വീകരിക്കണമെന്നും എംഎല്എ അധികൃതരോട് നിര്ദ്ദേശിച്ചു. ബസ് സ്റ്റാന്റ് അടച്ചതും, ദേശീയ പാതയില് നവീകരണ പ്രവര്ത്തനങ്ങള് നടത്തുന്നതും മൂലംവ്യാപാര സ്ഥാപനങ്ങളില് കച്ചവടം കുറഞ്ഞതിനാല് നവീകരണ പ്രവര്ത്തനങ്ങള് ഉടന് പൂര്ത്തിയാക്കുന്നതിന് എം.എല്.എ ഇടപെടണമൊവശ്യപ്പെട്ട് വ്യാപാരികള് നിവേദനം നല്കിയിരുന്നു.
പ്രതികരിക്കാൻ ഇവിടെ എഴുതുക: