മരിച്ചു പോയവരുടെ അവസ്ഥയെപ്പറ്റിയുള്ള എയിന്സ്ലീയുടെ പ്രശ്നത്തിനു മഹര്ഷി അരുളിച്ചെയ്തു. മാതാവെന്നു പറഞ്ഞാല് എന്താണ്? നമ്മുടെ ദേഹത്തിന്റെ ജ്ഞാനം വഹിച്ചവര് എന്നല്ലേ? എന്നാല് നാം ദേഹമാണോ? അല്ല, ദേഹത്തെ പറ്റി നില്ക്കുന്ന അറിവാണ്.
മനോമയജീവനാണു നാം എന്നു കാണുമ്പോള് ആ ജീവനായ അറിവിന്റെ ഉല്പത്തിസ്ഥാനമായ ചൈതന്യമാണു മാതാവെന്നറിയാം. ഞാന് എന്ന തോന്നല് എവിടെ നിന്നുമുണ്ടായി എന്നന്വേഷിച്ചു ഉള്ളിനുള്ളില് മാതാവെന്നു വ്യവഹരിക്കപ്പെട്ട ചിന്മയിയായ പരാശക്തിയെ ആശ്രയിച്ചാല് നമുക്കും ആര്ക്കും ഒരുപോലെ നന്മചെയ്തവരായിത്തീരും.
പ്രതികരിക്കാൻ ഇവിടെ എഴുതുക: