ആലപ്പുഴ: തുറവൂര് താലൂക്ക് ആശുപത്രിയില് ആരംഭിക്കുന്ന ഡയാലിസിസ് യൂണിറ്റിലേക്ക് ആവശ്യമായ ജീവനക്കാരെ നിയമിക്കാന് നടപടിയെടുക്കുമെന്ന് മുഖ്യമന്ത്രി ഉമ്മന് ചാണ്ടി പറഞ്ഞു. തുറവൂര് താലൂക്ക് ആശുപത്രിയിലെ പുതിയ കെട്ടിടത്തിന്റെ ഉദ്ഘാടനവും പ്രവേശനകമാനത്തിന്റെ സമര്പ്പണവും നിര്വഹിച്ച് പ്രസംഗിക്കുകയായിരുന്നു അദ്ദേഹം.
ആരോഗ്യ മന്ത്രി വി.എസ്. ശിവകുമാര് അദ്ധ്യക്ഷത വഹിച്ചു. 2011ല് ആരോഗ്യമേഖലയ്ക്ക് 258 കോടി രൂപ ബജറ്റില് ഉള്പ്പെടുത്തിയ സ്ഥാനത്ത് 2015ല് അത് 658 കോടി രൂപയായി വര്ധിപ്പിച്ചെന്ന് മന്ത്രി പറഞ്ഞു. അത്യാധുനിക സംവിധാനങ്ങളോടെ ചികിത്സ നടത്തുന്നതിനായി രണ്ടു കോടി രൂപ മുടക്കിയാണ് കെട്ടിടം നിര്മിച്ചത്.
നിര്മാണം പൂര്ത്തിയായ ആദ്യ നിലയില് ഒ.പി. പരിശോധനാമുറി, അത്യാഹിതവിഭാഗം, മൈനര് ഓപ്പറേഷന് തീയേറ്റര്, ഡോക്ടര്മാരുടെയും നഴ്സുമാരുടെയും ഡ്യൂട്ടി റൂം, ദന്തല് വിഭാഗം, ഒബ്സര്വേഷന്, റിസപ്ഷന് എന്നിവയാണ് പ്രവര്ത്തിക്കുന്നത്.
പ്രതികരിക്കാൻ ഇവിടെ എഴുതുക: