വൈക്കം: നഗരമധ്യത്തിലൂടെ കടന്നുപോകുന്ന നൂറ്റാണ്ടുകള് പഴക്കമുള്ള അന്ധകാരത്തോട് നവീകരണത്തിന്റെ നിര്മാണോദ്ഘാടനം ഇന്ന് നടക്കും. നബാര്ഡിന്റെ സഹായത്തോടെ ആര്.ഐ.ഡി.എഫില്പ്പെടുത്തി അനുവദിക്കപ്പെട്ട 2.65 കോടി രൂപയുടെ നവീകരണ പ്രവര്ത്തനങ്ങളാണ് ഒന്നാം ഘട്ടത്തില് നടക്കുക. തോട്ടിലെ മാലിന്യം പൂര്ണമായും നീക്കം ചെയ്ത് കോണ്ക്രീറ്റ് ചെയ്യുന്നതിനും രണ്ട് കലുങ്കുകള് പൊളിച്ച് പുതിയത് നിര്മിക്കുന്നതുമായ പദ്ധതിക്കാണ് തുടക്കം കുറിക്കുന്നത്. വൈകുന്നേരം നാലിന് പടിഞ്ഞാറെനട കലുങ്കിന് സമീപം നടക്കുന്ന ചടങ്ങില്വെച്ച് കെ.അജിത്ത് എം.എല്.എ പദ്ധതിയുടെ നിര്മാണോദ്ഘാടനം നിര്വഹിക്കും. നഗരസഭ ചെയര്പേഴ്സണ് ശ്രീലതാ ബാലചന്ദ്രന് അധ്യക്ഷത വഹിക്കും. ജോസ് കെ.മാണി എം.പി മുഖ്യാതിഥിയായിരിക്കും. കെ.എല്.ഡി.സി എം.ഡി രവീന്ദ്രന് നായര് റിപ്പോര്ട്ട് അവതരിപ്പിക്കും. നഗരസഭ വൈസ് ചെയര്മാന് അബ്ദുല് സലാം റാവുത്തര്, എം.സുജിന്, വി.സമ്പത്കുമാര്, സി.പി ലെനിന്, സന്ധ്യാ രഞ്ജിത്ത്, എബ്രഹാം പഴയകടവന്, ഡി.ഫിലോമിന, ബാബു പൊന്മനശേരില് എന്നിവര് പ്രസംഗിക്കും.
പ്രതികരിക്കാൻ ഇവിടെ എഴുതുക: