കോട്ടയം: ഇരു കിഡ്നികളും തകരാറിലായ യുവാവ് ചികിത്സാ സഹായം തേടുന്നു. ചങ്ങാനാശേരി ഇത്തിത്താനം കുത്തിവളച്ചതില് സിലക്സ് തോമസാ(39)ണ് കിഡ്നികള് തകരാറിലായി ചികിത്സാ സഹായം തേടുന്നത്. സിലക്സ് കോട്ടയം മെഡിക്കല് കോളേജ് ആശുപത്രിയിലെ നെഫ്രോളജി വിഭാഗത്തിന്റെ കീഴില് ചികില്സയിലാണിപ്പോള്.
ഇലക്ട്രീഷനായി ജോലി ചെയ്തുവരുകയായിരുന്ന സിലക്സ് ഒരു വര്ഷം മുമ്പ്് തലചുറ്റല് അനുവഭവപ്പെട്ട് ചികിത്സ നടത്തിയപ്പോഴാണ് കിഡ്നികള് തകരാറിലായ വിവരം അറിയുന്നത്. തുടര്ന്ന് ചികിത്സക്കും മരുന്നിനുമായി കൈയിലുണ്ടായിരുന്ന പണമെല്ലാം ചിലവഴിച്ചു. മാസങ്ങളായി ഡയാലീസീസിന് വിധേയമായി കൊണ്ടിരിക്കുകയാണ് സിലക്സ്. ഭാര്യയും രണ്ട് കുട്ടികളുമുള്ള സിലക്സിന് രോഗം കാരണം ജോലിക്ക് പോകാന് പറ്റാത്ത അവസ്ഥയാണ്.
ചികിത്സക്കായി എപ്പോളും സിലക്സിനൊപ്പം ആശുപത്രിയില് വരേണ്ടതിനാല് ഭാര്യക്കും സ്ഥിരമായി ജോലിക്ക് പോകാന് സാധിക്കുന്നില്ല. ഇവര് ഇപ്പോള് പലരുടേയും സഹായത്താലാണ് ചികിത്സ നടത്തുന്നത്. കുട്ടികളുടെ പഠനത്തിനും മരുന്നിനുമെല്ലാമായി ഈ കുടുംബം വളരെ ബുദ്ധിമുട്ട് അനുഭവിക്കുന്നു. മെഡിക്കല് കോളേജിലെ അവയവദാനവുമായി ബന്ധപ്പെട്ട വിഭാഗമായ പുനര്ജനിയില് പേര് രജിസ്റ്റര് ചെയ്ത് കാത്തിരിക്കുകയാണ് സിലക്സ്.
ഏതുസമയത്തും സിലക്സിന്റെ ബ്ലഡ് ഗ്രൂപ്പുമായി യോജിക്കാവുന്ന കിഡ്നി ലഭിച്ചേക്കാം. എന്നാല് അവയവദാന ശസ്ത്രകിയക്കും അതിന് ശേഷം വാങ്ങേണ്ടതായ മരുന്നിനും വേണ്ടുന്ന പണം ഇവരുടെ പക്കല് ഇല്ല. സ്വന്തമായി ജോലി ചെയ്ത് പണം സ്വരൂപിക്കാന് സാധിക്കാത്തതിനാല് നല്ലവരായ മനുഷ്യരുടെ സാമ്പത്തിക സാഹായത്തിന് കാത്തിരിക്കുകയാണ് ഈ കുടുംബം. അക്കൗണ്ട് നമ്പര്:എസ്ബിടി കുറിച്ചി ഓട്ട് പോസ്റ്റ് ബ്രാഞ്ച്.67328783731, ഫോണ്,9961668119
പ്രതികരിക്കാൻ ഇവിടെ എഴുതുക: