കോട്ടയം: ജില്ലയെ സമ്പൂര്ണ്ണ മയക്കുമരുന്ന് വിമുക്തജില്ലയാക്കാന് നൂറ്ദിന കര്മ്മപരിപാടിയുമായി ജില്ലാ പൊലീസ് രംഗത്ത.് സ്കൂളുകളിലും മറ്റ് സ്ഥലങ്ങളിലും മയക്കുമരുന്നിന്റെ ഉപയോഗം വ്യാപകമായ പശ്ചാത്തലത്തിലാണ് ഇതിനെ പ്രതിരോധിക്കാന് നൂറ്ദിന കര്മ്മ പരിപാടിക്ക് രൂപം നല്കിയിരിക്കുന്നതെന്ന് ജില്ലാ പൊലീസ് മേധാവി പത്രക്കുറിപ്പില് അറിയിച്ചു.കര്മ്മ പരിപാടികളുടെ നടത്തിപ്പ് ചുമതല ഡിവൈഎസ്പിമാര്, സിഐമാര് എന്നിവര്ക്കാണ്. സ്റ്റേഷനുകളില് എന്സിപിഎസ് കേസുകള് കണ്ടെത്തുന്നതിന് പ്രത്യേകമായി രൂപീകരിച്ചിട്ടുള്ള സ്പെഷല് ഓപ്പറേഷന് ഗ്രൂപ്പിന്റെ പ്രവര്ത്തനങ്ങള് കൂടുതല് കര്ക്കശമാക്കും. സ്കൂളുകളില് രൂപീകരിച്ചിട്ടുള്ള സ്കൂള് സംരക്ഷണ ഗ്രൂപ്പിന്റെ യോഗം അടിയന്തിരമായി വിളിച്ചുകൂട്ടുകയും ചുമതലപ്പെടുത്തിയിട്ടുള്ള പൊലീസ് ഉദ്യോഗസ്ഥര് അതില് പങ്കെടുത്ത് നിര്ദ്ദേശങ്ങള് നല്കും. സ്കൂളുകളിലെ മോര്ണിംഗ് അസംബഌയില് പ്രത്യേക സത്യപ്രതിജ്ഞ ചൊല്ലും. വ്യാപാരിവ്യവസായികള് അടക്കമുള്ളവരുടെയും സഹായം ഉറപ്പുവരുത്തുമെന്നും ജില്ലാ പൊലീസ് മേധാവി അറിയിച്ചു.
പ്രതികരിക്കാൻ ഇവിടെ എഴുതുക: