കൊല്ലം: കേന്ദ്രാവിഷ്കൃത പദ്ധതിയായ മുദ്രാബാങ്ക് രാജ്യത്ത് പരിവര്ത്തനം സൃഷ്ടിക്കുമെന്ന് ബിജെപി ദക്ഷിണ മേഖലാ സെക്രട്ടറി എം.എസ്.ശ്യാംകുമാര്. ഹിന്ദുഎക്കണോമിക് ഫോറം കൊല്ലം ചാപ്റ്റര് സംഘടിപ്പിച്ച സെമിനാറില് സംസാരിക്കുകയായിരുന്നു അദ്ദേഹം. സ്വാശ്രയത്വം കൈവരിക്കാനും യുവാക്കള്ക്ക് പുതിയ സംരംഭങ്ങള് തുടങ്ങാനും നിലവിലുള്ളവ വിപുലീകരിക്കാനുമായി അരലക്ഷം മുതല് പത്തുലക്ഷം രൂപവരെ ജാമ്യം കൂടാതെ വായ്പ നല്കുന്ന പദ്ധതിയാണ് മുദ്രബാങ്ക്. പുതിയ ജീവിതമാര്ഗത്തിനും തൊഴിലില്ലായ്മ പരിഹരിക്കുന്നതിനും പദ്ധതി ഉതകുമെന്നും അദ്ദേഹം ചൂണ്ടിക്കാട്ടി. നരേന്ദ്രമോദി സര്ക്കാരിനെതിരെ കേരളത്തില് നടക്കുന്ന ഇടതുവലതു കുപ്രചരണങ്ങള്ക്ക് മുദ്രാബാങ്കിന്റെ ഗുണഭോക്താക്കളാകുന്ന യുവാക്കള് തെരഞ്ഞെടുപ്പില് മറുപടി നല്കുമെന്നും അദ്ദേഹം ചൂണ്ടിക്കാട്ടി. ജയമോഹന്തമ്പി അധ്യക്ഷത വഹിച്ച യോഗത്തില് ജി.ശ്രീകേശ് പൈ സ്വാഗതവും വിജയ രാജന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: