ദീപ നിശാന്ത്, എന്റെ ‘മുഖപുസ്തക’ കൂട്ടുകാരിയാണ്. ദേവസ്വം ബോര്ഡിന്റെ കീഴിലുള്ള കേരളവര്മ്മ കോളേജില്, ക്യാമ്പസ്സില് മാംസാഹാരം ഉപയോഗിക്കാറില്ലെന്ന് കോളേജ് പ്രിന്സിപ്പല് (വനിത)ചാനലില് പറയുന്നത് കേട്ടു.
എല്ലാ,മാനേജുമെന്റ്കോളേജിനും അവരവരുടെതായ നിയമാവലികളുണ്ട്. അതനുസരിച്ച് പ്രവര്ത്തിക്കാന് അദ്ധ്യാപകരും വിദ്യാര്ത്ഥികളും ബാധ്യസ്ഥരാണ്.
മുസ്ലിം മാനേജുമെന്റ് വിദ്യാഭ്യാസ സ്ഥാപനങ്ങളില് നിലവിളക്ക് കത്തിച്ച്, ഏതെങ്കിലും പരിപാടികള് ഉദ്ഘാടനം ചെയ്തതായി അറിവില്ല. അതെന്തുകൊണ്ട്?
വിദ്യാഭ്യാസസ്ഥാപനങ്ങളുടെ നിയമചട്ടക്കൂട്ടില് അതിനു അനുവാദമില്ലാത്തത് കൊണ്ടുതന്നെ.
മാംസാഹാരം വിലക്കിയ കോളേജില്, ബീഫ് ഫെസ്റ്റിവല് നടത്തിയ എസ്എഫ് ഐ, സത്യത്തില് കോളേജിന്റെ നിയമങ്ങള് കാറ്റില്പ്പറത്തിയെന്നു ചൂണ്ടിക്കാണിക്കാന് മടിക്കുന്നില്ല. ഏത് പോലെ?
തിരുവനന്തപുരത്ത് ക്യാമ്പസ്സില് ഓണാഘോഷത്തിനു, തുക്കടവണ്ടി ഓടിച്ചുകൊണ്ട് ഓണം ആഘോഷിച്ചവര്, നടന്നുപോകുന്ന ഒരു പെണ്കുട്ടിയുടെ ജീവനെടുത്തതു പോലെ.
അടൂര് പ്രൊഫഷണല് കോളേജില് ബുള്ഡോസര്, സര്ക്കാര്വക കെഎസ്ആര്ടിസി ബസ്സ്, പ്രേമം സിനിമയിലെ വേഷങ്ങള് എല്ലാം പൊലിപ്പിച്ച ഓണാഘോഷം തെരുവില് അഴിഞ്ഞാടി. കാഴ്ചക്കാരില് അമ്പരപ്പും. കേരളം അരാജകത്വത്തിലേക്കോ എന്ന് ഒരിടി മിന്നല്പോലെ ഉള്ളിലേക്കാഞ്ഞു വീശിയതും മറക്കുന്നില്ല.
കോളേജ് ക്യാമ്പസ്സുകള്
പുതുതലമുറയിലെ അരാജകവാദികള്,
ഫാസിസ്റ്റുകള്, അഹങ്കാരികള്,
അച്ചടക്കരാഹിത്യം കാത്തുസൂക്ഷിക്കുന്നവരുടെ കേന്ദ്രങ്ങളാകാന് ഒരിക്കലും അനുവദിച്ചുകൂടാ.
അങ്ങനെയുള്ളവരുടെ അടുക്കല് വിദ്യാദേവതയുടെ സരസ്വതീകടാക്ഷം ഒളിമിന്നാന് ഇടയില്ല.
ദീപ, മലയാളം അസിസ്റ്റന്റ് പ്രൊഫസറല്ലേ?എന്നിട്ടുപോലും,
ദീപയുടെ എഴുത്തിലെ ഏതോ പിഴവ്, എപ്പോഴോ തിരുത്തിയതായി ഓര്ക്കുന്നു.
പലപ്പോഴും,വാക്കുകള് വിട്ടുപോകുന്നതും (ഉദാഹരണം, ‘നിങ്ങളുടെ’ യ്ക്ക് പകരം ‘നിങ്ങടെ,’ അല്ലെങ്കില് ‘നിളുടെ’) പക്ഷേ, അക്ഷരത്തെറ്റുകള് വിരളമായിട്ടെ, സംഭവിക്കാറുള്ളൂ.
എന്തുകൊണ്ട്?
ഗുരുനാഥന്മാരുടെ കര്ശന ശിക്ഷണം കൊണ്ടുതന്നെ!
ഇന്ന്, മലയാളഭാഷയുടെ ദുരവസ്ഥ ഭാഷാപ്രേമികളില് ഉള്ക്കിടിലം ഉളവാക്കുന്നു.
കുട്ടികള്ക്ക് ഒരു വാക്യംപോലും അക്ഷരത്തെറ്റുകളില്ലാതെ എഴുതാന് സാധിക്കുന്നില്ല.
ദീപയെപ്പോലുള്ള ഗുരുക്കന്മാര് കോളേജ് നിയമങ്ങള് ലംഘിച്ചാല് ശിഷ്യരും ശിഷ്യകളും ‘മറുകണ്ടം’ ചാടി ഐക്യദാര്ഢ്യം പ്രകടിപ്പിക്കുന്നതില് അദ്ഭുതപ്പെടെണ്ടതില്ല.
‘മുഖപുസ്തക’ സുഹൃത്ത് ശാലിനി പിള്ളയാണ് ദീപ നിശാന്ത് ‘കഥയെഴുത്തുകാരി’ പരിചയപ്പെടൂ എന്ന്! എഴുതിയതും ഞാന് ദീപക്ക് അങ്ങോട്ട് ഫ്രണ്ട് റിക്വസ്റ്റ് അയച്ചതും.
വളരെക്കാലം, ‘മലയാളം അദ്ധ്യാപിക’ യായി, ഒട്ടനവധി വികൃതികളെ, മിടുക്കരെ പഠിപ്പിച്ച പരിചയംകൊണ്ട്, ഇത്രയും എഴുതി.ക്ഷമിക്കുക.
ആശംസകള്
പ്രതികരിക്കാൻ ഇവിടെ എഴുതുക: