കോഴിക്കോട് : കോഴിക്കോട് റവന്യൂജില്ലാ ഗെയിംസ് മത്സരങ്ങളുടെ ഉദ്ഘാടനം കോര്പ്പറേഷന് സ്റ്റേഡിയത്തില് വിദ്യാഭ്യാസ ഡെപ്യൂട്ടി ഡയറക്ടര് ഡോ.ഗിരീഷ് ചോലയില് ഉദ്ഘാടനം ചെയ്തു. റവന്യൂജില്ലാ സെക്രട്ടറി എ.കെ മുഹമ്മദ് അഷ്റഫ് അദ്ധ്യക്ഷം വഹിച്ച ചടങ്ങില് റൂറല് സബ് ജില്ലാ സെക്രട്ടറി വി.കെ രാജീവന് മേലടി സബ് ജില്ലാ സെക്രട്ടറി ഐ.സജീവന് എന്നിവര് ആശംസകള് നേര്ന്നു. കണ്വീനര് എ.മുസ്തഫ സ്വാഗതവും ജില്ലാ സ്പോര്ട്സ് ഓര്ഗനൈസര് ടി.എച്ച് അബ്ദുള് മജീദ് നന്ദിയും പറഞ്ഞു. ജൂനിയര് ആണ്കുട്ടികളുടെ വിഭാഗം വോളിബോള് ഒന്നാം സ്ഥാനം കുന്നുമ്മല് സബ് ജില്ലയും രണ്ടാം സ്ഥാനം കൊടുവള്ളി സബ് ജില്ലയും മൂന്നാം സ്ഥാനം ബാലുശ്ശേരി സബ്ജില്ലയും നേടി. ജൂനിയര് പെണ്കുട്ടികളുടെ വിഭാഗം വോളിബോളില് ഒന്നാം സ്ഥാനം കുന്നമംഗലം സബ്ജില്ലയും രണ്ടാംസ്ഥാനം കോഴിക്കോട് സിറ്റി സബ്ജില്ലയും നേടി. ക്രിക്കറ്റ് ജൂനിയര് ആണ്കുട്ടികളുടെ വിഭാഗത്തില് മേലടി സബ്ജില്ലയും, രണ്ടാം സ്ഥാനം കോഴിക്കോട് റൂറല് സബ്ജില്ലയും മൂന്നാം സ്ഥാനം വടകര സബ് ജില്ലയും ജൂനിയര് ആണ്കുട്ടികളുടെ ഖൊ-ഖൊ മത്സരത്തില് ഒന്നാം സ്ഥാനം ഫറൂഖ് സബ്ജില്ലയും രണ്ടാം സ്ഥാനം കുന്നമംഗലം സബ്ജില്ലയും മൂന്നാം സ്ഥാനം കോഴിക്കോട് സബ്ജില്ലയും, ജൂനിയര് പെണ്കുട്ടികളുടെ വിഭാഗം ഖൊ-ഖൊ ഒന്നാം സ്ഥാനം മുക്കം സബ്ജില്ല രണ്ടാം സ്ഥാനവും കോഴിക്കോട് സിറ്റി, മൂന്നാം സ്ഥാനം ചോമ്പാല സബ്ജില്ലയും നേടി. ജൂനിയര് ആണ്കുട്ടികളുടെ ഫുട്ബോള് ചാമ്പ്യന്ഷിപ്പില് കോഴിക്കോട് സിറ്റി,മുക്കം, ഫറൂഖ്, താമരശ്ശേരി സബ്ജില്ല ടീമുകള് സെമിഫൈനലില് പ്രവേശിച്ചു.
പ്രതികരിക്കാൻ ഇവിടെ എഴുതുക: