പാലക്കാട്: ബിജെപി പാലക്കാട് മുനിസിപ്പല് തെരഞ്ഞെടുപ്പ് കണ്വെന്ഷന് ഇന്ന് വൈകീട്ട് മൂന്നിന് ടൗണ്ഹാളില് ബിജെപി ദേശീയ സെക്രട്ടറി എച്ച്.രാജ ഉദ്ഘാടനം ചെയ്യും. ചടങ്ങില് ആദ്യഘട്ടസ്ഥാനാര്ത്ഥികളെ പ്രഖ്യാപിക്കും.
തെരഞ്ഞെടുപ്പുമായി ബന്ധപ്പെട്ട് ബിജെപി മുനിസിപ്പല് കമ്മറ്റി തയ്യാറാക്കിയ നഗരവികസനരേഖ ചടങ്ങില് പ്രകാശനം ചെയ്യും. തെരഞ്ഞെടുപ്പ് പ്രവര്ത്തനങ്ങളില് ബിജെപി മുന്നേറുകയാണ്. നഗരസഭാ പിടിച്ചെടുക്കുകയെന്ന ലക്ഷ്യത്തോടെ ബിജെപി ആരംഭിച്ച മിഷന് 35പ്ലസ് പദ്ധതിയില് ഏഴുഘട്ടമായായിരുന്നു പ്രവര്ത്തനം. ഒന്നാംഘട്ടത്തില് എല്ലാ വാര്ഡുകളിലും കണ്വെന്
ഷനുകള് സംഘടിപ്പിച്ചു. തുടര്ന്ന് രണ്ടാംഘട്ടമായി വാര്ഡ്തല പദയാത്രകള് നടത്തി.
ഭരണസമിതിയുടെ അഴിമതിക്കും വികസനമുരടിപ്പിനുമെതിരെ മൂന്നാംഘട്ടത്തില് ഗൃഹസമ്പര്ക്കങ്ങള് നടത്തി. കേന്ദ്രസര്ക്കാരിന്റ ജനക്ഷേമപദ്ധതികള് സംബന്ധിച്ച് ജനങ്ങളെ ബോധവാന്മാരാക്കുകയും അതിന്റെ ഉപയോഗം ലഭിക്കുന്നതിനായി ഗൃഹസമ്പര്ക്കങ്ങളും, ക്യാമ്പുകളും സംഘടിപ്പിച്ചു. അഞ്ചാംഘട്ടത്തില് വാര്ഡുകളില് മഹിള സ്ക്വാഡുകള് ഗൃഹസമ്പര്ക്കം നടത്തി. ആറാംഘട്ടത്തില് കുടുംബയോഗങ്ങളും ഏഴാംഘട്ടത്തില് ചെറുകിട വ്യവസായ സംരംഭകര്ക്കായി മുദ്രാബാങ്ക് വായ്പ മേളയും സംഘടിപ്പിച്ചു. നഗരസഭപിടിച്ചെടുക്കുകയെന്ന ലക്ഷ്യത്തോടെ ബിജെപിയുടെ പ്രവര്ത്തനങ്ങള് ഏറെ മുന്നേറിയതായി ജില്ലാ പ്രസിഡന്റ് സി.കൃഷ്ണകുമാര്, ബിജെപി നഗരസഭാ തെരഞ്ഞെടുപ്പ് കമ്മറ്റി ചെയര്മാന് അഡ്വ.ഇ.കൃഷ്ണദാസും അറിയിച്ചു.
പ്രതികരിക്കാൻ ഇവിടെ എഴുതുക: