ഇടുക്കി: മറയൂര് പട്ടികാട് സ്വദേശിയും സിപിഎം ബ്രാഞ്ച് സെക്രട്ടറിയുമായ മനോജിനെയാണ് കഴിഞ്ഞ ദിവസം രാത്രിയില് ഒരുക്കൂട്ടം ആളുകള് ആക്രമിച്ചത്. ആക്രമണത്തില് ഗുരുതരമായി പരിക്കേറ്റ ഇയാള് മൊഴി നല്കാന് വിസമ്മതിക്കുന്നതായി വിവരം. ആക്രമണത്തില് ഗുരുതരമായി പരിക്കേറ്റ മനോജ് മറയൂരിലെ സ്വകാര്യ ആശുപത്രിയില് ചികിത്സയിലാണ്. മൂക്കിന്റെ എല്ലിന് പൊട്ടലുണ്ട്.
രണ്ട് തവണ പോലിസ് മൊഴി എടുക്കാനായി ആശുപത്രിയില് എത്തിയെങ്കിലും പാര്ട്ടി ഇടപ്പെട്ടതു മൂലം ഇയാള് മൊഴി നല്കാന് വിസമ്മതിച്ചതായാണ് വിവരം. സംഭത്തില് ദുരൂഹത ഏറുകയാണ്. രാത്രിയില് ഇയാള് എന്തിന് ഓഫീസ് പരിസരത്തു നിന്ന് മാറി ആളൊഴിഞ്ഞ ഇടവഴിയില് പോയി എന്നത് വ്യക്തമല്ല. സമീപ കാലത്ത് ഇവിടങ്ങളില് അനാശാസ്യം നടക്കുന്നതായി രഹസ്യ വിവരമുണ്ട്. സംഭത്തില് കേസ് രജിസ്റ്റര് ചെയ്യാനാകാതെ കുഴങ്ങുകയാണ് മറയൂര് പോലിസ് എന്നാണ് അറിവ്.
പ്രതികരിക്കാൻ ഇവിടെ എഴുതുക: