കോഴിക്കോട്: ഇന്ന് വിജയദശമി. ഉപാസനയുടെയും പൂജകളുടെയും നവരാത്രികാലത്തിന് ശുഭപര്യവസാനം. ഇന്നലെ ക്ഷേത്രസങ്കേതങ്ങളിലും സ്ഥാപനങ്ങളിലും ദുര്ഗ്ഗാപൂജ നടന്നു. വിജയദശമി ആഘോഷത്തോടനുബന്ധിച്ച് ആര്എസ്എസിന്റെ ആഭിമുഖ്യത്തില് ഇന്നും നാളെയുമായി പൂര്ണ്ണ ഗണവേഷ ധാരികളായ സ്വയംസേവകരുടെ മണ്ഡലതല പഥസഞ്ചലനം നടക്കും.
ഇന്ന് വിദ്യയുടെ വരദാനമായ സരസ്വതിപൂജയും വിദ്യാരംഭവും നടക്കും. നൂറുകണക്കിന് കുരുന്നുകള് ക്ഷേത്രസങ്കേതങ്ങളില് ഹരിശ്രീ കുറിക്കും. വാഹനപൂജക്കും വ്യാപകമായ ഒരുക്കങ്ങള് പൂര്ത്തിയായി. തളി മഹാക്ഷേത്രം, ശ്രീകണ്ഠേശ്വരക്ഷേത്രം, ചിന്മയമിഷന്, വളയനാട് ക്ഷേത്രം, കൊളത്തൂര് അദ്വൈതാശ്രമം, തളി ശ്രീകന്യകാപരമേശ്വരിക്ഷേത്രം, പിഷാരികാവ് ദുര്ഗ്ഗാഭഗവതിക്ഷേത്രം, പേരാമ്പ്ര ശ്രീഎളമാരംകുളങ്ങര ക്ഷേത്രം, കൊയിലാണ്ടി എടവന ഭഗവതിക്ഷേത്രം, വേങ്ങേരി ശ്രീസകലേശ്വരി ക്ഷേത്രം, കോവൂര് ശ്രീ ശ്രീ രവിശങ്കര് വിദ്യാമന്ദിരം, പുത്തൂര് ശ്രീദുര്ഗ്ഗാക്ഷേത്രം, രാമനാട്ടുകര പരിഹാരപുരം സുബ്രഹ്മണ്യക്ഷേത്രം, ഉള്ളാട്ടില് ഭുവനേശ്വരിക്ഷേത്രം, തറമ്മല് ശ്രീസുബ്രഹ്മണ്യക്ഷേത്രം, പാളയം പുതിയകോവിലകം പറമ്പ് ശ്രീമാരിയമ്മന് ക്ഷേത്രം, കാരന്തൂര് ഹരഹരമഹാദേവക്ഷേത്രം തുടങ്ങിയ നിരവധി ക്ഷേത്രങ്ങളില് വിദ്യാരംഭം നടന്നു.
പ്രതികരിക്കാൻ ഇവിടെ എഴുതുക: