കൊച്ചി: ജില്ലാ പഞ്ചായത്തിന്റെ പുതിയതായി രൂപീകരിച്ച നേര്യമംഗലം ഡിവിഷനില് വിജയപ്രതീക്ഷയുമായി ബിജെപി സ്ഥാനാര്ത്ഥി നെല്ലിമറ്റം നോക്കരയില് അനിത മനോജ് (32) ജനവിധി തേടുന്നു. കുടുംബശ്രീ കവളങ്ങാട് പഞ്ചായത്തിലെ ഒന്നാം വാര്ഡ് ഇന്റേണല് ഓഡിറ്റര് ആണ് അനിത മനോജ് . നേരത്തെ പോത്താനിക്കാട് ഡിവിഷനില് ഉള്പ്പെട്ടതായിരുന്നു നേര്യമംഗലം ഉള്പ്പെടുന്ന കവളങ്ങാട് പഞ്ചായത്ത്. ഇപ്പോള് കവളങ്ങാട്, കുട്ടമ്പുഴ, കീരംപാറ പഞ്ചായത്തിലെ ഒന്ന്, രണ്ട്, 12, 13 വാര്ഡുകള് ഒഴികെയുള്ള പ്രദേശങ്ങള് ഉള്പ്പെട്ടതാണ് നേര്യമംഗലം ഡിവിഷന്. കര്ഷകര് ഉള്പ്പെടുന്ന സാധാരണക്കാരുമാണ് വോട്ടര്മാര്. ജില്ലാ പഞ്ചായത്തിന്റെ കീഴിലുള്ള കൃഷിഫാം ഇവിടെയാണ് പ്രവര്ത്തിക്കുന്നത്.
കീരംപാറ, കുട്ടമ്പുഴ, കവളങ്ങാട് പഞ്ചായത്തുകളില് എല്ഡിഎഫ്., യുഡിഎഫ് കക്ഷികള് മാറി മാറി ഭരണത്തില് കാര്യമായ വികസനപ്രവര്ത്തനങ്ങള് നടന്നിട്ടില്ല. പൊറുതിമുട്ടിയ ജനം ഇത്തവണ ബിജെപിയെ സഹായിക്കുമെന്ന് പ്രവര്ത്തകരും, സ്ഥാനാര്ത്ഥിയും ഒരുപോലെ വിശ്വസിക്കുന്നു. ഇത്തവണ ഹരിജന് വനിതാ സംവരണമാണ് നേര്യമംഗലത്ത്. ഡിവിഷന് പിടിക്കാന് വിദ്യാഭ്യാസവും കഴിവുമുള്ള വനിതകളെ ഇറക്കിയാണ് വോട്ട് തേടുന്നത്.
നേര്യമംഗലം ഡിവിഷനില് നിന്നും യുഡിഎഫിന്റെ സ്ഥാനാര്ഥി ഇഞ്ചത്തൊട്ടി കല്ലുകുടി ശശിയുടെ ഭാര്യ സൗമ്യ ശശി (32). എല്ഡിഎഫിന്റെ സ്ഥാനാര്ഥി മാമലക്കണ്ടം മോളേല് തങ്കപ്പന്-അംബിക ദമ്പതിമാരുടെ മകളായ സഞ്ജു തങ്കപ്പന് (24). പുതുമുഖ വനിത സ്ഥാനാര്ഥികള് മാറ്റൊരുക്കുന്ന ഡിവിഷനില് തീ പാറുന്ന പോരാട്ടമാണ് നടക്കുന്നത്.
പ്രതികരിക്കാൻ ഇവിടെ എഴുതുക: