മട്ടാഞ്ചേരി: അര്ഹരെ ഒഴിവാക്കി നടന്ന സ്ഥാനാര്ത്ഥി നിര്ണ്ണയത്തില് പ്രതിഷേധിച്ച് കൊച്ചിനോര്ത്ത് ബ്ലോക്ക് കോണ്ഗ്രസ് കമ്മിറ്റി ജനറല് സെക്രട്ടറി റോസ് മേരി വിത്സന് സ്ഥാനം രാജിവെച്ച് ജില്ലാ കോണ്ഗ്രസ് കമ്മിറ്റി പ്രസിഡന്റ് വി.ജെ.പൗലോസിന് കത്ത് നല്കി. ഫോര്ട്ടുകൊച്ചി ഒന്നാം ഡിവിഷനില് നടന്ന യുഡിഎഫ് സ്ഥാനാര്ത്ഥിനിര്ണയം ഏറെ വിവാദവും പ്രതിഷേധവുമുയര്ത്തിയിരുന്നു. സാങ്കേതിക ബുദ്ധിമുട്ടുള്ളതിനാല് സ്ഥാനം രാജിവെയ്ക്കുകയാണന്നാണ് റോസ് മേരി വിത്സണ് ഡിസിസി പ്രസിഡന്റിനയച്ച കത്തില് വ്യക്തമാക്കിയിരിക്കുന്നത്.
പിക്കറ്റിങ്ങ്, ധര്ണ്ണ, കെപിസിസി പ്രസിഡന്റിന്റെ ജനപക്ഷ യാത്രയിലും ഡിസിസി.പ്രസിഡന്റിന്റെ വാഹന പ്രചരണ ജാഥയിലും ഓട്ടേറെപേരെ പങ്കെടുപ്പിക്കാന് സജീവമായി പ്രവര്ത്തിച്ചതിനെക്കുറിച്ചും റോസ് മേരി കത്തില് വിശദീകരിച്ചിട്ടുണ്ട്. ഫോര്ട്ടുകൊച്ചി ഡിവിഷനില് സ്വതന്ത്ര സ്ഥാനാര്ത്ഥിയായി റോസ് മേരി സജീവസാന്നിധ്യവുമാകുന്നു.
ഒട്ടേറെ വനിതാ പ്രവര്ത്തകരെ ഒഴിവാക്കി യുഡ.എഫ് നടത്തിയ സ്ഥാനാര്ത്ഥി നിര്ണ്ണയത്തെ തുടര്ന്ന് മഹിളാ കോണ്ഗസ് ഉന്നത സ്ഥാനം വഹിക്കുന്ന ഓട്ടേറെ പേര് തിരഞ്ഞെടുപ്പ് പ്രവര്ത്തനങ്ങളില് നിന്ന് വിട്ടുനില്ക്കുകയും സ്ഥാനങ്ങള് രാജിവെയ്ക്കുവാനും തയ്യാറായിട്ടുണ്ട്. ചില ഡിവിഷനുകളില് ശക്തമായ റിബല് സ്ഥാനാര്ത്ഥികളായും ഇവര് രംഗത്തെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: