മുഹമ്മ: സ്കൂള് വിദ്യാര്ഥികള് സഞ്ചരിച്ചിരുന്ന ഓട്ടോയില് കാറിടിച്ച് നാലുപേര്ക്ക് പരിക്ക്. ആലപ്പുഴ മാതാ സീനിയര് സെക്കന്ഡറി സ്കൂളിലെ വിദ്യാര്ഥികളായ ആതില (11), റിയ (8), കൃഷ്ണ (8), ആദിത്യ (6)എന്നീ വിദ്യാര്ഥികള്ക്കും ഓട്ടോ ഡ്രൈവര്ക്കുമാണ് പരിക്കേറ്റത്. ഇവരെ ആലപ്പുഴ ജനറല് ആശുപത്രിയില് പ്രവേശിപ്പിച്ചു. ദേശീയപാതയില് പാതിരപ്പള്ളി ജംഗ്ഷനു സമീപം ഇന്നലെ വൈകിട്ട് 4.15 ഓടെയാണപകടം.കൊല്ലം ശാസ്താംകോട്ടയില് നിന്നും എറണാകുളത്തേയ്ക്ക് രോഗിയുമായി വരികയായിരുന്ന കാറാണ് ഓട്ടോയില് ഇടിച്ചത്. സ്കൂള്വിട്ട് വീട്ടിലേക്ക് മടങ്ങുകയായിരുന്ന വിദ്യാര്ഥികളാണ് ഓട്ടോയില് ഉണ്ടായിരുന്നത്.നാട്ടുകാരാണ് പരിക്കേറ്റവരെ ആശുപത്രിയില് എത്തിച്ചത്. ആലപ്പുഴ ട്രാഫിക് പോലീസ് മേല്നടപടി സ്വീകരിച്ചു.
പ്രതികരിക്കാൻ ഇവിടെ എഴുതുക: