പണ്ട് പരാശരനെന്നുപേരായ ഒരു മഹര്ഷി ഉണ്ടായിരുന്നു. അദ്ദേഹത്തിന് കൃഷ്ണദൈ്വപായനെന്നു പേരുള്ള ദിവ്യനായൊരു പുത്രന് സത്യവതിയില് ഉണ്ടായി. സത്യവതി ഒരു മുക്കുവസ്ത്രീ ആയിരുന്നു. എന്നാല് അവരുടെ മകന് പ്രസിദ്ധനായ ഋഷി ആയി. അദ്ദേഹം ധാരാളം ഗ്രന്ഥങ്ങള് രചിച്ചു. വേദങ്ങള് അദ്ദേഹം ഋഗ്, യജുസ്സ്, സാമം, അഥര്വം എന്നിങ്ങനെ നാലായി പകര്ത്തു. വേദങ്ങളെല്ലാം വ്യസിച്ചതിനാല് വേദവ്യാസന് എന്ന് അദ്ദേഹത്തെ വിളിച്ചു.
അദ്ദേഹം മഹാഭാരതമെന്ന ഇതിഹാസമെഴുതി. ലോകത്തിലുള്ള എല്ലാ ജ്ഞാനവും അതില് അടങ്ങിയിട്ടുണ്ട്. അദ്ദേഹം പതിനെട്ടു പുരാണങ്ങള് രചിച്ചു. കൂടാതെ ബ്രഹ്മസൂത്രവും എഴുതി. അദ്ദേഹം മാഹാജ്ഞാനിയായിരുന്നു.
അദ്ദേഹത്തിന് ശുകനെന്നുപേരായ ഒരു പുത്രനുണ്ടായിരുന്നു. അദ്ദേഹവും മഹാജ്ഞാനിയായിരുന്നു. അദ്ദേഹത്തിന് ഈശ്വരനെ എല്ലായിടത്തും കാണാന് കഴിയുമായിരുന്നു. വ്യാസനെ ഗുരുവായി ഭജിക്കൂ. അദ്ദേഹം നിങ്ങളെ അനുഗ്രഹിക്കും. ശുകനെപ്പോലെ ഒരു ഋഷിയാകൂ.
പ്രതികരിക്കാൻ ഇവിടെ എഴുതുക: