കൊല്ലം: തദ്ദേശ സ്വയംഭരണ തെരഞ്ഞെടുപ്പിന്റെ ഫലം അപ്പപ്പോള് അറിയാന് തെരഞ്ഞെടുപ്പ് കമ്മീഷന് നാഷണല് ഇന്ഫര്മാറ്റിക്സ് സെന്റര് മുഖേന രൂപകല്പന ചെയ്ത’ട്രെന്ഡിന്റെ’സജ്ജീകരണങ്ങള് പുരോഗമിക്കുന്നു. ട്രെന്റിന്റെ സുഗമമായ പ്രവര്ത്തനത്തിന് ആവശ്യമായ അടിസ്ഥാന സൗകര്യങ്ങളും സാങ്കേതിക സജ്ജീകരണങ്ങളും സമയബന്ധിതമായി പൂര്ത്തിയാക്കുന്നതിന് ഓരോ വോട്ടെണ്ണല് കേന്ദ്രത്തിലും വോട്ടെണ്ണുന്ന മുറയ്ക്ക് ഫലം ട്രെന്ഡിലേക്ക് അപ്ലോഡ് ചെയ്യുന്നതിനായി കമ്പ്യൂട്ടറും മറ്റ് അനുബന്ധ ഉപകരണങ്ങളും സ്ഥാപിക്കാന് തെരഞ്ഞെടുപ്പ് കമ്മീഷന് ബന്ധപ്പെട്ടവര്ക്ക് നിര്ദേശം നല്കി. കമ്പ്യൂട്ടറുകള് സ്ഥാപിക്കാനുളള പ്ലഗ് പോയിന്റ് അനുബന്ധസൗകര്യങ്ങളും കെല്ട്രോണും ഇന്റര്നെറ്റ് കണക്ഷന് ബിഎസ്എന്എല്ലുമാണ് ഒരുക്കുക. ബ്ലോക്ക് തല വോട്ടെണ്ണല് കേന്ദ്രങ്ങളില് ഇന്റര്നെറ്റ് കണക്ട് ചെയ്യാവുന്ന ആറ് കമ്പ്യൂട്ടറുകള് ബ്ലോക്ക് സെക്രട്ടറിയും നഗരതല കേന്ദ്രങ്ങളില് നാല് കമ്പ്യൂട്ടറുകള് സ്ഥാപിക്കേണ്ടതുണ്ട്.
വോട്ട് കണക്ക് കമ്പ്യൂട്ടറില് എന്റര് ചെയ്യുന്നതിന് ബ്ലോക്കിനു കീഴില് വരുന്ന പഞ്ചായത്തുകളില് അഞ്ചും നഗരതല കേന്ദ്രങ്ങളില് രണ്ടും ടെക്നിക്കല് അസിസ്റ്റന്റുമാരെയും ഇവരുടെ പ്രവര്ത്തനം ഏകോപിപ്പിക്കാന് ഇന്ഫര്മേഷന് കേരള മിഷന് നിയമിച്ച ടെക്നിക്കല് അസിസ്റ്റന്റിനെയും നിയമിക്കും. ബ്ലോക്ക് തലത്തിലും നഗരതലത്തിലും ഡാറ്റ അപ്ലോഡിംഗ് സെന്ററിന്റെ സൂപ്പര്വൈസറായി ചുമതലപ്പെടുത്തിയിട്ടുളള ഓഫീസര് സെന്ററിന്റെ സാങ്കേതികവും ഡാറ്റ എന്ട്രി സംബന്ധിച്ചതുമായ കാര്യങ്ങള്ക്ക് മൊത്തത്തില് മേല്നോട്ടം നടത്തണമെന്നും കമ്മീഷന് അറിയിച്ചു.
പ്രതികരിക്കാൻ ഇവിടെ എഴുതുക: