കുട്ടനാട്: താലൂക്ക് എന്എസ്എസ് യൂണിയന് കനകജൂബിലിയാഘോഷങ്ങളുടെ ഭാഗമായി സമുദായാചാര്യന് മന്നത്തു പദ്മനാഭന് അവര്ണര്ക്കായി നടത്തിയ സവര്ണജാഥയുടെ 91-ാം വാര്ഷിക ദിനത്തില് സാമൂഹ്യവനവത്ക്കരണവും പരിസ്ഥിതി സംരക്ഷണ ദിനവുമായി കേരളപ്പിറവി ദിനമായ നവമ്പര് ഒന്ന് ആഘോഷിച്ചു.
സാമൂഹ്യവനവത്ക്കരണത്തിന്റെ ഭാഗമായി നെടുമുടി മുതല് തയ്യില്ക്ഷേത്രം വരെയുള്ള എ-സി റോഡിന്റെ വശങ്ങളില് വനംവകുപ്പിന്റെ സഹകരണത്തോടെ വൃക്ഷത്തൈകള് നട്ടുപിടിപ്പിച്ചു. ആഘോഷപരിപാടികളുടെ ഉദ്ഘാടനം ജില്ലാകളക്ടര് എന്. പദ്മകുമാര് വൃക്ഷത്തൈ നട്ടു ഉദ്ഘാടനം ചെയ്തു. താലൂക്ക് യൂണിയന് പ്രസിഡന്റ് പി. കെ. രാധാകൃഷ്ണപണിക്കര് യോഗത്തില് അദ്ധ്യക്ഷത വഹിച്ചു. എന്എസ്എസ് താലൂക്ക് യൂണിയന് നടത്തിയത് മാതൃകാപരമായ പ്രവര്ത്തനമാണെന്ന് ജില്ലാകളക്ടര് പറഞ്ഞു.
ഒരു വൃക്ഷത്തൈ നടുന്നത് പത്തുപുത്രന്മാര്ക്ക് തുല്യമാണെന്നും പുണ്യപ്രവര്ത്തിയാണെന്നും പരിസ്ഥിതി സന്ദേശം നല്കിയ യെസ്കെ ഫൗണ്ടേഷന് ചെയര്മാന് വി. കെ. ശശികലാധരന് നായര് പറഞ്ഞു.
കുട്ടനാട് യൂണിയന് സാമൂഹ്യ പുരോഗതി മുന്നിര്ത്തിയുള്ള പ്രവര്ത്തനങ്ങള്ക്ക് മുന്ഗണന നല്കുമെന്ന് യൂണിയന് പ്രസിഡന്റ് പറഞ്ഞു. യൂണിയന് വൈസ്പ്രസിഡന്റ് പ്രൊഫ്. കെ. പി. നാരായണപിള്ള, എന്. രാജശേഖരന്പിള്ള, യൂണിയന് സെക്രട്ടറി വി. ഉണ്ണികൃഷ്ണന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: