കോഴിക്കോട്: ആരോഗ്യകരമായ ആത്മാഭിമാനം പുരോഗതിക്ക് സഹായകമാകുമെന്ന് സ്വാമി അദ്ധ്യാത്മാനന്ദ സരസ്വതി അഭിപ്രായപ്പെട്ടു. സംബോധ് ഫൗണ്ടേഷനും ബോധാനന്ദ സേവാ സൊ സൈറ്റിയും സംയുക്തമായി തളി പത്മശ്രീ കല്യാണമണ്ഡപത്തില് സംഘടിപ്പിക്കുന്ന ഗീതാജ്ഞാനയജ്ഞത്തില് സംസാരിക്കുകയായിരുന്നു അദ്ദേഹം.ധ്യാനനിര്വൃതി സ്വന്തമാക്കാന് ആഗ്രഹിക്കുന്ന സാധകന് ജീവിതത്തിന്റെ ഗതിവിഗതികളുടെ ഉത്തരവാദിത്വം സ്വയം ഏറ്റെടുക്കണം. മറ്റുള്ളവരെ പഴിചാരാനുള്ള ആവേശം ശരിയല്ല. തനിക്കു താന് തന്നെ ശത്രുവായിപ്പോവുന്ന അപകടം ഇന്ന് വ്യാപകമാണെന്നു തിരിച്ചറിയണം. നാം നമ്മുടെ ബന്ധുവാകുന്നുണ്ടെന്ന് ഉറപ്പുവരുത്തണം.
ലോകത്തില് വൈവിദ്ധ്യങ്ങള് പ്രകടമാണ്. എന്നാല് പദാര്ത്ഥ ഘടന ചികഞ്ഞു ചെന്നാല് വസ്തുതാപരമായി എല്ലാം ഒന്നാണെന്നു കണ്ടെത്താന് കഴിയും. അതുപോലെ ജീവജാലത്തെയും വ്യക്തികളെയും ജീവതത്വത്തെ ഗണിച്ച് ആദരിച്ചു ശീലിക്കണം.വൈകാരിക തലത്തില് വിക്ഷുബ്ധികള് ഉണ്ടാവുന്നതും വിവേകം കൊണ്ട് നിയന്ത്രണവിധേയമാക്കാം. ഇങ്ങിനെ സമബുദ്ധിയുടെ ശാന്തത വ്യാവഹാരിക ലോകത്തില് സാധ്യമായാല് കണ്ണടച്ചിരിക്കുമ്പോള് ധ്യാനം അനായാസേന അനുഭവിപ്പിക്കാന് കഴിയുമെന്നും സ്വാമി കൂട്ടിച്ചേര്ത്തു. യജ്ഞത്തോടനുബന്ധിച്ച് ഇന്നലെ ചേവായൂര് ഭാരതീയ വിദ്യാഭവന് സ്കൂളി ല് മാതൃപൂജ നടത്തി. ഇന്ന് രാവിലെ 10ന് പത്മശ്രീ ഓഡിറ്റോറിയത്തില് യുവജന സംഗമവും തുടര്ന്ന് സ്ത്രീശക്തി ചിന്തനവും നടക്കും.
പ്രതികരിക്കാൻ ഇവിടെ എഴുതുക: