ആലപ്പുഴ: തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ വോട്ടെണ്ണല് ഇന്ന് ജില്ലയിലെ 18 കേന്ദ്രങ്ങളില് നടക്കും. രാവിലെ എട്ടു മുതല് വോട്ടെണ്ണല് ആരംഭിക്കും. ആദ്യ ഫലസൂചനകള് അരമണിക്കൂറിനുള്ളില് ലഭിക്കും. ആദ്യം പോസ്റ്റല് ബാലറ്റുകളാണ് എണ്ണുന്നത്. ജില്ലാ പഞ്ചായത്തിന്റെ പോസ്റ്റല് ബാലറ്റുകള് കളക്ടറേറ്റ് കോണ്ഫറന്സ് ഹാളില് റിട്ടേണിങ് ഓഫീസറായ ജില്ലാ കളക്ടറുടെ നേതൃത്വത്തില് എണ്ണും.
12 ബ്ലോക്കുതല വോട്ടെണ്ണല് കേന്ദ്രങ്ങളിലാണ് ഗ്രാമ, ബ്ലോക്ക്, ജില്ലാ പഞ്ചായത്തുകളിലേക്കുള്ള വോട്ടെണ്ണല് നടക്കുക. നഗരസഭകളിലെ വോട്ടെണ്ണല് ആറു കേന്ദ്രങ്ങളില് നടക്കും. പോസ്റ്റല് വോട്ടുകളാണ് ആദ്യം എണ്ണുക. ബ്ലോക്ക്്, ഗ്രാമപഞ്ചായത്ത് വരണാധികാരിയുടെ നേതൃത്വത്തില് പോസ്റ്റല് ബാലറ്റുകള് എണ്ണിത്തുടങ്ങിയാലുടന് വോട്ടിങ് യന്ത്രത്തിലെ വോട്ടെണ്ണലും ആരംഭിക്കും.
വോട്ടിങ് യന്ത്രത്തിലെ കണ്ട്രോള് യൂണിറ്റില്നിന്ന് ആദ്യം ഗ്രാമപഞ്ചായത്തിന്റെയും രണ്ടാമതായി ബ്ലോക്ക് പഞ്ചായത്തിന്റെയും മൂന്നാമത് ജില്ലാ പഞ്ചായത്തിന്റെയും ഫലമറിയാം. എട്ടു ബൂത്തുകള്ക്ക് ഒരു ടേബിള് എന്ന ക്രമത്തിലാണ് സജ്ജീകരണങ്ങള് ഒരുക്കിയിരിക്കുന്നത്. ത്രിതല പഞ്ചായത്തുകളിലൊന്നില് വോട്ട് രേഖപ്പെടുത്തിയിട്ടില്ലെങ്കില് ഇവയെ ‘അണ്ടര് വോട്ട്’ എന്ന പേരില് പ്രത്യേകം രേഖപ്പെടുത്തും.
പ്രതികരിക്കാൻ ഇവിടെ എഴുതുക: