ന്യൂദല്ഹി: രാഷ്ട്രം നല്കിയ അവാര്ഡുകള് രാഷ്ട്രീയ ലക്ഷ്യത്തോടെ തിരികെ കൊടുക്കുന്ന എഴുത്തുകാരുടെ നടപടിക്കെതിരെ പ്രമുഖര് ഇന്ന് രാഷ്ട്രപതിഭവനിലേക്ക് മാര്ച്ച് നടത്തും.
പ്രശസ്ത നടന് അനുപം ഖേര്, എഴുത്തുകാരന് എസ്.എല്. ബൈരപ്പ, മുന് ജെഎന്യു പ്രോ വൈസ് ചാന്സിലര് കപില് കപൂര്, ഇന്ത്യന് കൗണ്സില് ഫോര് കള്ച്ചറല് റിലേഷന്സ് പ്രസിഡന്റ് ലോകേഷ് ചന്ദ്ര, കേംബ്രിഡ്ജ് പ്രൊഫസര് ദിലീപ് കെ ചക്രവര്ത്തി, ഐസിഎച്ച്ആര് അംഗം കെ. ഗോപിനാഥ് തുടങ്ങിയ പ്രമുഖരാണ് എഴുത്തുകാരുടെ നിലപാടിനെതിരെ രാഷ്ട്രപതിയെ സമീപിക്കുന്നത്.
രാവിലെ 10 മണിക്ക് ഇന്ത്യാഗേറ്റിന് സമീപത്തു നിന്നും പ്രകടനം ആരംഭിക്കും. 11 മണിക്ക് രാഷ്ട്രപതി കൂടിക്കാഴ്ചയ്ക്ക് സമയം അനുവദിച്ചിട്ടുണ്ട്.
അതിനിടെ അവാര്ഡ് തിരികെ കൊടുത്ത അരുന്ധതി റോയിക്കെതിരെ അനുപം ഖേര് കടുത്ത ഭാഷയില് വിമര്ശനവുമായി രംഗത്തെത്തി.
അരുന്ധതി റോയി ഭാരത പൗരയാണോയെന്ന് പലപ്പോഴും സംശയമാണെന്നും വിദേശങ്ങളില് അവര് നടത്തുന്നത് മുഴുവന് ഭാരത വിരുദ്ധ പ്രസംഗങ്ങളാണെന്നും അനുപം ഖേര് കുറ്റപ്പെടുത്തി. വിഷയത്തില് പ്രതികരിച്ച തന്നെ ഇനി ചിലപ്പോള് സുഹൃത്തുക്കള് അവരുടെ സിനിമകളിലേക്ക് ക്ഷണിക്കില്ലായിരിക്കും. എന്നാല് സ്വന്തം ജോലിയേക്കാല് വളരെ വലുതാണ് രാഷ്ട്രമെന്നും അനുപം ഖേര് പറഞ്ഞു. കലാകാരന്മാരും എഴുത്തുകാരും ചിത്രകാരന്മാരും അടക്കം രാജ്യത്തെ പ്രമുഖര് ഇന്ന് രാഷ്ട്രപതി ഭവനിലേക്ക് മാര്ച്ച് നടത്തുമെന്നും അനുപം ഖേര് വ്യക്തമാക്കി.
പ്രതികരിക്കാൻ ഇവിടെ എഴുതുക: