കണ്ണൂര്: ഇന്ത്യന് തെരഞ്ഞെടുപ്പ് കമ്മീഷന് കേരളത്തിലെ നിയമസഭാ മണ്ഡലങ്ങളുടെ വോട്ടര് പട്ടിക പുതുക്കുന്നു. അതിന്റെ ഭാഗമായി കരട് വോട്ടര് പട്ടിക നവംബര് 2 ന് പ്രസിദ്ധീകരിച്ചിട്ടുണ്ട്. മുഖ്യ തെരഞ്ഞെടുപ്പ് ഓഫീസറുടെ വെബ്സൈറ്റ്, ജില്ലാ കലക്ടറേറ്റ്, താലൂക്ക് ഓഫീസുകള് എന്നിവിടങ്ങളില് പ്രസിദ്ധപ്പെടുത്തിയ കരട് പട്ടിക പൊതുജനങ്ങള്ക്ക് പരിശോധിക്കാവുന്നതാണ്. 2016 ജനുവരി 1 നോ അതിനു മുന്പോ 18 വയസ്സ് പൂര്ത്തിയാകുന്നവര്ക്ക് വോട്ടര് പട്ടികയില് പേര് ചേര്ക്കുന്നതിന് 2015 നവംബര് 2 മുതല് അപേക്ഷിക്കാം.
മുഖ്യ തെരഞ്ഞെടുപ്പ് ഓഫീസറുടെ വെബ്സൈറ്റിലൂടെ (ംംം.രലീ.സലൃമഹമ.ഴീ്.ശി) ഓണ്ലൈനായാണ് അപേക്ഷ സമര്പ്പിക്കേണ്ടത്. ഇന്റര്നെറ്റ് സൗകര്യമുള്ള സ്വന്തം വീട്ടിലിരുന്നോ മറ്റു സ്ഥലങ്ങളില് നിന്നോ സ്വയം അപേക്ഷിക്കാം. കമ്പ്യൂട്ടര് പരിജ്ഞാനമില്ലാത്തവര്ക്ക് ജില്ലാ കലക്ടറേറ്റ്/താലൂക്ക് ഓഫീസുകള് എന്നിവിടങ്ങളില് പ്രവര്ത്തിക്കുന്ന വോട്ടര് സഹായ കേന്ദ്രങ്ങളില് നിന്ന് സൗജന്യമായി അപേക്ഷ സമര്പ്പിക്കാം. തൊട്ടടുത്ത അക്ഷയകേന്ദ്രങ്ങളില് നിന്നും 25/- രൂപ സര്വ്വീസ് ഫീസ് നല്കിയും അപേക്ഷിക്കാം.
സ്ഥലം മാറിപ്പോയവര്ക്ക് പുതിയ താമസസ്ഥലത്തെ വോട്ടര് പട്ടികയില് പേര് ചേര്ക്കുന്നതിനും, നിലവിലുള്ള പട്ടികയില് തെറ്റുണ്ടെങ്കില് അവ തിരുത്തുന്നതിനും ഓണ്ലൈനായി അപേക്ഷിക്കാം. അപേക്ഷ സ്വീകരിക്കുന്ന അവസാന തീയ്യതി 2015 നവംബര് 30. വിവരങ്ങള്ക്ക് ടോള് ഫ്രീ ഫോണ് നമ്പര് 1950-ല് (ഓഫീസ് സമയത്ത്) നേരിട്ട് വിളിക്കാവുന്നതാണ്.
പ്രതികരിക്കാൻ ഇവിടെ എഴുതുക: