കോട്ടയം: അഖിലഭാരതീയ അയ്യപ്പധര്മ്മ പ്രചാരസഭയുടെ ദശവത്സരാഘോഷങ്ങളുടെ ഉദ്ഘാടനം മുഖ്യമന്ത്രി ഉമ്മന്ചാണ്ടി നിര്വ്വഹിക്കും.14ന് വൈകിട്ട് 5ന് ഹോട്ടല് അര്ക്കാഡിയ ഓഡിറ്റോറിയത്തില് നടക്കുന്ന സമ്മേളനത്തില് നിയുക്ത ശബരിമല മേല്ശാന്തി എസ്.ഇ.ശങ്കരന് നമ്പൂതിരി, മാളികപ്പുറം മേല്ശാന്തി ഇ.എസ്.ഉണ്ണികൃഷ്ണന് എമ്പ്രാന്തിരി എന്നിവര്ക്ക് സ്വീകരണം നല്കും. പ്രസിഡന്റ് അഡ്വ.ജി.രാമന് നായര് അദ്ധ്യക്ഷത വഹിക്കും. മുന് ഗുരുവായൂര് മേല്ശാന്തിയും ഇപ്പോഴത്തെ ശബരിമല മേല്ശാന്തിയുമായ ഏഴിക്കോട് കൃഷ്ണദാസ് നമ്പൂതിരി രചിച്ച ശാസ്താരം പ്രണമാമ്യഹം എന്ന ഗ്രന്ഥത്തിന്റെ പ്രകശന കര്മ്മം മന്ത്രി തിരുവഞ്ചൂര് രാധാകൃഷ്ണന് നിര്വ്വഹിക്കും. എറണാകുളം സിറ്റി പോലീസ് കമ്മീഷണര് എം.പി.ദിനേശ് ഗ്രന്ഥത്തിന്റെ ആദ്യകോപ്പി ഏറ്റുവാങ്ങും. ഡോ.എന്.ജയരാജ് എംഎല്എ പുസ്തകാവതരണവും തിരുവിതംകൂര് ദേവസ്വം ബോര്ഡ് മെമ്പര് പി.കെ.കുമാരന് മുഖ്യപ്രഭാഷണം നടത്തും. മുന് ശബരിമല മേല്ശാന്തി ഏഴിക്കോട് ശശിനമ്പൂതിരി ഭദ്രദീപ പ്രകാശനം നടത്തും. ഫിലോസഫി ഗവേഷകന് രാഹുല് ഈശ്വര്, ജനറല് സെക്രട്ടറി മധുമണിമല, സംസ്ഥാന മുന്നോക്ക ക്ഷേമകോര്പ്പറേഷന് ചെയര്മാന് പ്രയാര് ഗോപാലകൃഷ്ണന്, പത്തനംതിട്ട ജില്ലാ ഉപഭോക്തൃ കോടതി പ്രസിഡന്റ് അഡ്വ.പി.സതീശ് ചന്ദ്രന് നായര്, മുന് ശബരിമല മേല്ശാന്തി എന്.ദാമോദരന് പോറ്റി, മുന് മാളികപ്പുറം മേല്ശാന്തി പി.എം.മനോജ് എമ്പ്രാന്തിരി, കെ.ആര്.അരവിന്ദാക്ഷന്, സെക്രട്ടറി അജീഷ് ചന്ദ്രന്, വിനോദ് ചമ്പക്കര എന്നിവര് പ്രസംഗിക്കും. അദ്ധ്യാത്മിക സാമൂഹിക-സാംസ്കാരിക രംഗങ്ങളില് ശ്രദ്ധേയമായ പ്രവര്ത്തനങ്ങള് കാഴ്ചവച്ച പ്രമുഖ വ്യക്തികളായ സംസ്ഥാന ദേവസ്വം-പൊതുപഭരണ വകുപ്പ് സെക്രട്ടറി കെ.ആര്.ജ്യോതിലാല്, ദേവസ്വം റിക്രൂട്ട്മെന്റ് ബോര്ഡ് ചെയര്മാന് പി.ചന്ദ്രശേഖരന്, ചങ്ങനാശേരി, ചെത്തിപ്പുഴ സെന്റ്തോമസ് ഹോസ്പിറ്റല് മെഡിക്കല് അഡ്മിനിസ്ട്രേറ്ററും ചീഫ് സര്ജ്ജനുമായ ഡോ.എന്.രാധാകൃഷ്ണന്, തിരുവല്ല മഹാലക്ഷ്മി സില്ക്സ് മാനേജിംഗ് ഡയറക്ടര് ടി.കെ.വിനോദ് കുമാര്, കവിയും ഗാനരചയിതാവുമായ ചൊവ്വല്ലൂര് കൃഷ്ണ്കുട്ടി, ജ്യോതിഷപണ്ഡിതനും താന്ത്രികാചാര്യനുമായ പ്രൊഫ.നീലമന വി.ആര്.നമ്പൂതിരി, എബിഎപി ആന്ധ്രാ സ്റ്റേറ്റ് കൗണ്സില് സെക്രട്ടറി സി.വെങ്കിടേഷ് ശര്മ്മ, ഭഷാ പണ്ഡിതനും ഗ്രന്ഥകാരനുമായ ഇഞ്ചക്കാട്ട് കെ.എന്.കേശവപിള്ള, സാമൂഹിക പ്രവര്ത്തകനായ വെണ്മണി പൊന്നമ്മപ്പണിക്കര് എന്നിവരെ ചടങ്ങില് മുഖ്യമന്ത്രി ആദരിക്കും. ചടങ്ങിനോടനുബന്ധിച്ച് തിരുവനന്തപുരം മഹാകവി കെ.സി.കേശവപിള്ള മെമ്മോറിയല് മ്യൂസിക് അക്കാഡമി പ്രിന്സിപ്പല് രാധികാ സുന്ദരേശന് ആന്റ് പാര്ട്ടി അവതരിപ്പിക്കുന്ന സംഗീതസദസും ഉണ്ടായിരിക്കുമെന്ന് ജനറല് സെക്രട്ടറി മധുമണിമല, പ്രോഗ്രാം കമ്മിറ്റി ചെയര്മാന് മോഹന് പെരിനാട് എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: