തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്ക് പുതുതായി തെരഞ്ഞെടുക്കപ്പെട്ട’അംഗങ്ങളുടെ സത്യപ്രതിജ്ഞ ഇന്ന്. ഇതു സംബന്ധിച്ച മാര്ഗനിര്ദ്ദേശങ്ങള് തെരഞ്ഞെടുപ്പ് കമ്മീഷന് പുറപ്പെടുവിച്ചു. ഇതനുസരിച്ച് ഗ്രാമ, ബ്ലോക്ക്, ജില്ലാ പഞ്ചായത്തുകളിലും മുനിസിപ്പാലിറ്റികളിലും ആദ്യ അംഗത്തെ സത്യപ്രതിജ്ഞ ചെയ്യിക്കുന്നത് ബന്ധപ്പെട്ട വരണാധികാരികളാണ്.
മുനിസിപ്പല് കോര്പ്പറേഷനുകളില് ജില്ലാ കളക്ടര്മാര്ക്കാണ് ഈ ചുമതല. തെരഞ്ഞെടുക്കപ്പെട്ട അംഗങ്ങളില് ഏറ്റവും പ്രായം കൂടിയ അംഗത്തെയാണ് ആദ്യം സത്യപ്രതിജ്ഞ ചെയ്യിക്കുക. മറ്റ് അംഗങ്ങളെ ആദ്യം സത്യപ്രതിജ്ഞ ചെയ്ത അംഗം സത്യപ്രതിജ്ഞയോ ദൃഢപ്രതിജ്ഞയോ ചെയ്യിക്കും.
പ്രതിജ്ഞയ്ക്കുശേഷം അംഗങ്ങള് സത്യപ്രതിജ്ഞാ രജിസ്റ്ററിലും കക്ഷിബന്ധ രജിസ്റ്ററിലും ഒപ്പുവയ്ക്കണം. സത്യപ്രതിജ്ഞാ ചടങ്ങ് കഴിഞ്ഞാലുടന് തെരഞ്ഞെടുക്കപ്പെട്ട എല്ലാ അംഗങ്ങളുടെയും ആദ്യയോഗം ആദ്യം പ്രതിജ്ഞ ചെയ്ത അംഗത്തിന്റെ അധ്യക്ഷതയില് ചേരും. യോഗത്തില് പ്രസിഡന്റ്, ചെയര്പേഴ്സണ്, മേയര്, വൈസ്പ്രസിഡന്റ്, വൈസ് ചെയര്പേഴ്സണ്, ഡെപ്യൂട്ടി മേയര് സ്ഥാനങ്ങളിലേക്കുള്ള തെരഞ്ഞെടുപ്പ് വരണാധികാരികളാണ് നടത്തുന്നത്.
പ്രതികരിക്കാൻ ഇവിടെ എഴുതുക: