ചെന്നൈ: സംസ്ഥാനത്തിന്റെ വിവിധ ഭാഗങ്ങളില് മഴ കനത്തതോടെ മഴക്കെടുതിയില് മരിച്ചവരുടെ എണ്ണം 79 ആയി ഉയര്ന്നു. മഴ കനത്ത നാശം വിതച്ച കൂടല്ലൂരില് 24 പേരാണു മരിച്ചത്. കൂടല്ലൂര്, തിരുവണ്ണാമല, ധര്മപുരി, കൃഷ്ണഗിരി തുടങ്ങിയ ജില്ലകളില് ദിവസങ്ങളായി കനത്ത മഴ തുടരുകയാണ്. ന്യൂനമര്ദമാണു മഴയ്ക്കു കാരണം.
കൂടല്ലൂരില് പല ഗ്രാമങ്ങളും ഒറ്റപ്പെട്ട നിലയിലാണ്. വീടുകളില് കുടുങ്ങിയ നൂറുകണക്കിനാളുകളെ സുരക്ഷിതകേന്ദ്രങ്ങളിലേക്കു മാറ്റിയതായി അധികൃതര് പറഞ്ഞു. മുതിര്ന്ന ഐഎഎസ് ഉദ്യോഗസ്ഥരടങ്ങുന്ന സംഘമാണു രക്ഷാപ്രവര്ത്തനങ്ങള്ക്കു നേതൃത്വം നല്കുന്നത്.
കാണാതായ 19 പേരുടെ കുടുംബങ്ങള്ക്കു മുഖ്യമന്ത്രി ജയലളിത നാലുലക്ഷം രൂപ വീതം നഷ്ടപരിഹാരം പ്രഖ്യാപിച്ചിട്ടുണ്ട്. ദുരന്തബാധിതര്ക്കു യുദ്ധകാലാടിസ്ഥാനത്തില് സഹായങ്ങള് എത്തിക്കാനും മുഖ്യമന്ത്രി ഉദ്യോഗസ്ഥര്ക്കു നിര്ദേശം നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക: