പാലാ: പുതിയതായി ചുമതലയേല്ക്കുന്ന ഗ്രാമപഞ്ചായത്തില് പാലാ നിയോജകമണ്ഡലത്തിലെ മീനച്ചില്, മുത്തോലി, കൊഴുവനാല് പഞ്ചായത്തുകളിലും കടുത്തുരുത്തി മണ്ഡലത്തിലെ കിടങ്ങൂര്, കാഞ്ഞിരപ്പള്ളി മണ്ഡലത്തിലെ പള്ളിക്കത്തോട് ഗ്രാമപഞ്ചായത്തുകളിലും ബിജെപി മുഖ്യപ്രതിപക്ഷമാകും. എലിക്കുളത്ത് ബിജെപി അംഗങ്ങളുടെ നിലപാട് നിര്ണായകമാകും. 7 വീതം അംഗങ്ങളുള്ള യുഡിഎഫ്, എല്ഡിഎഫ് മുന്നണിക്ക് പ്രസിഡന്റിനെ കണ്ടെത്താന് ടോസ് ഇടേണ്ടിവരും. 16 അംഗങ്ങളുള്ള പഞ്ചായത്തില് ബിജെപിക്ക് 2ഉം, യുഡിഎഫ്, എല്ഡിഎഫ് മുന്നണികള്ക്ക് 7 വീതമാണ് അംഗങ്ങളുടെ പിന്തുണ.
13 അംഗങ്ങളുള്ള മീനച്ചില് പഞ്ചായത്തില് ബിജെപിക്ക് 4 അംഗങ്ങളുണ്ട്. കേരള കോണ്ഗ്രസ് 7, ഇടത് സ്വതന്ത്രര് 2, സ്വതന്ത്രന് 1 എന്നിങ്ങനെയാണ് മറ്റ് കക്ഷിനില. 13 അംഗ മുത്തോലി പഞ്ചായത്തില് ബിജെപി 3, യുഡിഎഫ് 7, എല്ഡിഎഫ് സ്വതന്ത്രര് 2, സ്വതന്ത്രര് 1. 13 അംഗങ്ങളുള്ള കൊഴുവനാല് പഞ്ചായത്തില് ബിജെപി 3, യുഡിഎഫ് 3, എല്ഡിഎഫ് 3 എന്ന നിലയിലും 15 അംഗ കിടങ്ങൂര് പഞ്ചായത്തില് ബിജെപി 3, യുഡിഎഫ് 9, എല്ഡിഎഫ് സ്വതന്ത്രര് 2, സ്വതന്ത്രന് 1, എന്ന നിലയിലുമാണ് കക്ഷി നില.
പള്ളിക്കത്തോട് പഞ്ചായത്തില് ബിജെപിക്ക് 5 അംഗങ്ങള് ഉണ്ട്. യുഡിഎഫ് 6, എല്ഡിഎഫ് 2 എന്നിങ്ങനെയാണ് കക്ഷിനില.
പ്രതികരിക്കാൻ ഇവിടെ എഴുതുക: