കൊച്ചി: വനവാസി സമൂഹത്തിന്റെ സമഗ്ര വികസനം അനിവാര്യമാണെന്ന് കുസാറ്റ് വൈസ് ചാന്സലര് ഡോ.ജെ. ലത പറഞ്ഞു. കേരള വനവാസി വികാസ കേന്ദ്രത്തിന്റെ ആഭിമുഖ്യത്തില് എറണാകുളത്ത് ആരംഭിച്ച സ്ഥാപനമായ ‘പ്രേരണ’യുടെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അവര്. വനവാസികള്ക്ക് പ്രഖ്യാപിക്കുന്ന ആനുകൂല്യങ്ങള് ഫലപ്രദമായി വിനിയോഗപ്പെടുത്തുന്നില്ല. സാമൂഹ്യസംഘടനകളുടെ പ്രവര്ത്തനമാണ് ഇതിന് പരിഹാരമെന്നും അവര് കൂട്ടിച്ചേര്ത്തു.
അഖില ഭാരതീയ വനവാസി കല്യാണ് ആശ്രം സംഘടനാ കാര്യദര്ശി സോമയാലുജി മുഖ്യപ്രഭാഷണം നടത്തി. വനവാസി വികാസ കേന്ദ്രം സംസ്ഥാന രക്ഷാധികാരി പള്ളിയറ രാമന് അദ്ധ്യക്ഷത വഹിച്ചു. പ്രാന്ത സംഘചാലക് പി.ഇ.ബി. മേനോന്, സി.പി.ഉണ്ണികൃഷ്ണന്, എസ്. രാമനുണ്ണി എന്നിവര് സംസാരിച്ചു. കെ.കുമാരന് സ്വാഗതവും വി.ഉമേഷ് കമ്മത്ത് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: