വട്ടോളി: സംഘകാര്യപദ്ധതിയിലൂടെ ഉത്തമസ്വയംസേവകനായി മാറി സമൂഹത്തിനു വേണ്ടി മാതൃകാ പ്രവര്ത്തനം നടത്തിയ വ്യക്തിയായിരുന്നു അന്തരിച്ച ആര്എസ്എസ് വടകര ജില്ലാ സംഘചാലക് പ്രൊഫ.കെ. പ്രഭാകരനെന്ന് ആര്എസ്എസ് അഖില ഭാരതീയ കാര്യകാരി പ്രത്യേകക്ഷണിതാവ് എസ്. സേതുമാധവന് പറഞ്ഞു. വട്ടോളി വ്യാസവിദ്യാപീഠത്തില് സംഘടിപ്പിച്ച ശ്രദ്ധാഞ്ജലി ചടങ്ങില് മുഖ്യപ്രഭാഷണം നടത്തുകയായിരുന്നു അദ്ദേഹം. ഇത്തരം ആദര്ശശീലരെ മാതൃകയാക്കുകയാണ് നമുക്ക് ചെയ്യാനുള്ളത്. നിസ്വാര്ത്ഥമായ ദേശഭക്തിയും സമര്പ്പണഭാവവും നിരന്തരമായ തപസിലൂടെ സ്വഭാവമാക്കി മാറ്റുകയാണ് സംഘസ്വയംസേവകര് ചെയ്യുന്നത്.
ഇത്തരത്തിലുള്ള വ്യക്തികളെ സൃഷ്ടിക്കുന്ന സാധനാപദ്ധതിയാണ് സംഘശാഖകള് സര്വ്വസാധാരണക്കാരെ അസാമാന്യവ്യക്തികളാക്കി, ശ്രേഷ്ഠമായജീവിതനിലവാരത്തിലെത്തിക്കാന് സംഘശാഖയ്ക്ക് കഴിയുന്നു. ഇത്തരം വ്യക്തികളാണ് സമൂഹപരിവര്ത്തനത്തിന് നേതൃത്വം നല്കുന്നത്. അസാധ്യമായത് സാധ്യമാക്കിത്തീര്ക്കാന് ഇത്തരം വ്യക്തികള്ക്ക് കഴിയുന്നു. വ്യക്തിജീവിതത്തിലെ ആദര്ശനിഷ്ഠയാണ് ഇതിന് കരുത്ത് നല്കുന്നത്. ജീവിതത്തില് സ്വീകരിച്ച ആദര്ശം മാറിവരുന്ന ജീവിതസാഹചര്യത്തിലെല്ലാം മുറുകെ പിടിക്കാന് പ്രഭാകരന് കഴിഞ്ഞു. അത് നമുക്ക് പ്രേരണാദായകമാണ്.
ദേശവിരുദ്ധമായ ചിന്താഗതികളെ സമൂഹത്തില് നിന്നില്ലാതാക്കാന് അഹോരാത്രം പ്രവര്ത്തിക്കുകയെന്നതാണ് അദ്ദേഹത്തിനുള്ള ശരിയായ ശ്രദ്ധാഞ്ജലി അദ്ദേഹം കൂട്ടിച്ചേര്ത്തു വടകര ജില്ലാ സംഘചാലക് സി. രവീന്ദ്രന് അധ്യക്ഷത വഹിച്ചു. വിഭാഗ് കാര്യവാഹ് എന്.കെ. ബാലകൃഷ്ണന് മാസ്റ്റര്, നാദാപുരം താലൂക്ക് സംഘചാലക് കെ. ഗംഗാധരന്, കെ. അജേഷ്കുമാര് എന്നിവര് സംബന്ധിച്ചു.
പ്രതികരിക്കാൻ ഇവിടെ എഴുതുക: