അങ്കാറ: ജി 20 ഉച്ചകോടി നടക്കാന് മണിക്കൂറുകള് മാത്രം ബാക്കിനില്ക്കെ തുര്ക്കിയില് ചാവേര് ആക്രമണം. സ്ഫോടനത്തില് നാലു പോലീസുകാര്ക്കും പരിക്കേറ്റു.സിറിയന് അതിര്ത്തിക്കു സമീപം തെക്കുകിഴക്കന് തുര്ക്കിയിലെ ഗാസിയാന്തെപിലായിരുന്നു സംഭവം.
ഒരു അപ്പാര്ട്ട്മെന്റില് പോലീസുകാര് പരിശോധന നടത്തുന്നതിനിടെയാണു ചാവേര് പൊട്ടിത്തെറിച്ചത്.ഇതില് പരിക്കേറ്റ ഒരാളുടെ നില ഗുരുതരമാണെന്ന് ആശുപത്രി വൃത്തങ്ങള് അറിയിച്ചു.
സ്്ഫോടനത്തിന് പി്ന്നില് ഇസ്ലാമിക് സ്റ്റേറ്റ് ഭീകരരാണെന്നാണ് പ്രാഥമിക നിഗമനം. സംഭവത്തെ കുറിച്ച് പോലീസ് അന്വേഷണം ആരംഭിച്ചതായി പോലീസ് വ്യക്തമാക്കി. കഴിഞ്ഞ ദിവസം ഫ്രാന്സിലുണ്ടായ ഭീകരാക്രമണത്തില് 127 പേര് കൊല്ലപ്പെട്ടിരുന്നു. ഇതിന്റ ഉത്തരവാദിത്വം ഐഎസ് ഏറ്റെടുത്തിരുന്നു. ഇതിനു പിന്നാലെയാണു തുര്ക്കിയില് ചാവേര് ആക്രമണമുണ്ടായിരിക്കുന്നത്.
പ്രതികരിക്കാൻ ഇവിടെ എഴുതുക: