പാനൂര്: ബിജെപി പ്രവര്ത്തകനു നേരെ സിപിഎം അക്രമം.സാരമായി പരിക്കേറ്റ മുത്താറിപീടിക കുനുമ്മലിലെ ശരത്ത്(26)നെ തലശേരി സ്വകാര്യാശുപത്രിയില് പ്രവേശിപ്പിച്ചു. കഴിഞ്ഞ ദിവസം രാത്രി സഹോദരിയുടെ വിവാഹനിശ്ചയവുമായി ബന്ധപ്പെട്ട് കടയില് നിന്നും സാധനങ്ങള് വാങ്ങുമ്പോഴാണ് ഒരു സംഘം സിപിഎം പ്രവര്ത്തകര് അക്രമിച്ചത്. ഇരുമ്പവടി,സൈക്കിള് ചെയിന്,ഇടിക്കട്ട എന്നിവ കൊണ്ട് അക്രമിക്കുകയായിരുന്നു.തലയ്ക്കും,പുറത്തും സാരമായി പരിക്കേറ്റു.മുത്താറിപീടിക വഴി ബൈക്കില് സാധനങ്ങള് വാങ്ങാന് പോകുമ്പോള് പിന്നാലെ പിന്തുടര്ന്ന് കൊട്ടയോടിയില് വെച്ച് ക്രൂരമായി അക്രമിക്കുകയായിരുന്നു. തടയാന് നിന്ന വ്യാപാരിക്കും മര്ദ്ധനമേറ്റു. മുത്താറിപീടികയിലെ ദിപിന്,ഇക്ബാല്,പാത്തിപാലത്തെ പ്രവീണ്,പാട്യത്തെ സുമീഷ്,സുജിത്ത്,ശ്യാം,അരുണ് എന്നിവരുടെ നേതൃത്വത്തിലുളള 15സംഘമാണ് അക്രമിച്ചതെന്ന് കതിരൂര് പോലീസിന്് നല്കിയ പരാതിയില് പറഞ്ഞു. പാത്തിപാലത്ത് വെച്ച് സിപിഎം സംഘം ശരത്തിന്റെ സഹോദരന് ശ്യാംജിത്തിനെ കഴിഞ്ഞ ദിവസം അക്രമിച്ചിരുന്നു. സംഭവമറിഞ്ഞ് സ്ഥലത്തെത്തിയ ശരത്തിനെതിരെ പാനൂര് പോലീസ് കേസെടുത്തിരുന്നു. സിപിഎം പ്രവര്ത്തകരെ അക്രമിച്ച സംഭവത്തില് പാനൂര് എസ്ഐ ടിഎന്.സന്തോഷ്കുമാര് ശരത്തിനെ അറസ്റ്റു ചെയ്തു.
പ്രതികരിക്കാൻ ഇവിടെ എഴുതുക: