അമ്പലപ്പുഴ: മത്സ്യബന്ധനത്തിനിടെ വള്ളം അപകടത്തില്പ്പെട്ട് വല നശിച്ചു. അഞ്ചു ലക്ഷത്തിന്റെ നഷ്ടം കണക്കാക്കുന്നു. അമ്പലപ്പുഴ വടക്ക് പഞ്ചായത്ത് നീര്ക്കുന്നം പുതുവല് സന്തോഷിന്റെ ഓം നമശിവായ എന്ന വള്ളമാണ് അപകടത്തില്പ്പെട്ടത്. ഇന്നലെ രാവിലെ തോട്ടപ്പള്ളി ഫിഷിങ് ഹാര്ബറിന് 15 കിലോമീറ്റര് പടിഞ്ഞാറ് ആഴക്കടലിലായിരുന്നും സംഭവം.
വള്ളം മറിഞ്ഞ് 1300 കിലോ വലയില് ബഹുഭൂരിപക്ഷവും ഉടക്കി നഷ്ടപ്പെട്ടു. വല താഴ്ന്ന് കിടക്കാന് ഉപയോഗിച്ചിരുന്ന വെയ്റ്റും നഷ്ടപ്പെട്ടു. വള്ളംമറിഞ്ഞ് ഇരുപത്തിയഞ്ചോളം മത്സ്യത്തൊഴിലാളികളാണ് അപകടത്തില്പ്പെട്ടത്. ഇവരെ മറ്റു വള്ളക്കാര് ഏറെ അദ്ധ്വാനിച്ചാണ് രക്ഷപ്പെടുത്തി കരയ്ക്കെത്തിച്ചത്. തൊഴിലാളികള്ക്ക് നേരിയ പരിക്കുകള് മാത്രമെയുള്ളു.
പ്രതികരിക്കാൻ ഇവിടെ എഴുതുക: