എരുമേലി: ശബരിമല തീര്ത്ഥാടനവുമായി ബന്ധപ്പെട്ട് എരുമേലി ടൗണില് ഇന്നു മുതല് ഗതാഗത നിയന്ത്രണത്തിനുള്ള വണ്വേ സംവിധാനം എര്പ്പെടുത്തും.
ശബരിമല തീര്ത്ഥാടകരുടെ വാഹനങ്ങള് മുണ്ടക്കയം, കാഞ്ഞിരപ്പള്ളി ഭാഗത്തുനിന്നും വരുന്നവ ടൗണിലെത്തി പേട്ടതുള്ളല് പാതയില്ക്കൂടിയും റാന്നി ഭാഗത്തുനിന്നും വരുന്ന വാഹനങ്ങള് ടിബി റോഡ് വഴിയും പോകും.
ദര്ശനം കഴിഞ്ഞ് വരുന്ന തീര്ത്ഥാടക വാഹനങ്ങള് എംഇഎസ് കോളേജ് വഴി പേരൂത്തോട്, കണ്ണിമല, കൊരട്ടി വലിയ പാലം വഴി തിരിഞ്ഞ് കാഞ്ഞിരപ്പള്ളി ഭാഗത്തേക്ക് പോകണമെന്ന് കാഞ്ഞിരപ്പള്ളി ഡിവൈഎസ്പി വി.യു. കുര്യാക്കോസ് പറഞ്ഞു. എന്നാല് സ്കൂള് കുട്ടികള് സഞ്ചരിക്കുന്നതടക്കമുള്ള യാത്രാബസുകള്ക്ക് ഗതാഗത നിയന്ത്രണങ്ങളില് ആവശ്യമായ ഇളവുകള് ഉണ്ടാകുമെന്ന് പോലീസ് പറഞ്ഞു.
ശബരിമല തീര്ത്ഥാടന ക്രമീകരണങ്ങളുടെ ഭാഗമായി നാലുവീതം സി.ഐ, എസ്ഐമാരെയും 350 പോലീസുകാരെയുമാണ് നിയമിച്ചിരിക്കുന്നത്. ഹെല്ത്ത് കാര്ഡ്, പോലീസിന്റെ കാര്ഡ് എന്നിവ എരുമേലിയില് എത്തുന്ന താല്ക്കാലിക കച്ചവടക്കാര്ക്ക് നിര്ബന്ധമാക്കിയതായും പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: