കോട്ടയം: തന്ത്രപ്രവേശ വിളംബരത്തിന്റെ 12-ാം വാര്ഷികം ആഘോഷിച്ചു. ചെങ്കോട്ടുകോണം ശ്രീരാമദാസാശ്രമം അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി അദ്ധ്യക്ഷത വഹിച്ചു. കെ.മുരളീധരന് എംഎല്എ സമ്മേളനം ഉദ്ഘാടനം ചെയ്തു.
കദളീവനം ഉണ്ണിൃഷ്ണന് പോറ്റി, കലാമണ്ഡലം രാധാകൃഷ്ണ്, കലാഭാരതി ദിനേശ്, തെങ്ങമം ജയകുമാര് എന്നിവര്ക്ക് ക്ഷേത്രശ്രീ പുരസ്കാരവും, മാപ്രാണം ഷൈജു ആശാന്, കലാഭാരതി രാജീവ് എന്നിവര്ക്ക് വാദ്യകലാനിധി പുരസ്കാരവും അമ്പാട്ട് മിത്രന്ശര്മ്മ, നീലംപറമ്പില് സ്നേഹജ ശര്മ്മ, ശരത്ത് കാക്കശ്ശേറി എന്നിവര് വിനായക ചതുര്ത്ഥി പുരസ്കാരവും കെ.മുരളീധരന് എംഎല്എ സമ്മാനിച്ചു. പുരസ്കാര ജേതാക്കളെ ചെങ്കോട്ടുകോണംസ്വാമി പൊന്നാടയണിയിച്ച് അനുമോദിച്ചു.
പുതുമനതന്ത്രവിദ്യാലയത്തില് നിന്നും പൂജാപഠനം പൂര്ത്തിയാക്കിയ 51 പേര്ക്ക് കെ.മുരളീധരന് എംഎല്എ സര്ട്ടിഫിക്കറ്റ് വിതരണം ചെയ്തു. പുതുമന തന്ത്രവിദ്യാലയം മുഖ്യാചാര്യന് തന്ത്രരത്നം പുതുമന മഹേശ്വരന് നമ്പൂതിരി വിളംബര സന്ദേശ പ്രഭാഷണം നടത്തി. ജോണ്സണ് ജോസഫ്, പുതുമന മനു നമ്പൂതിരി എന്നിവര് മുഖ്യപ്രഭാഷണം നടത്തി. ആറുമുഖ തുളസീധരന്, താന്നിമൂട് രാധാകൃഷ്ണ ശര്മ്മ, ശശികുമാര് കുളങ്ങര, സത്യദേവന് ശര്മ്മ എന്നിവരും, താന്ത്രിക ശിഷ്യസമാജം പ്രതിനിധികളായ പ്രവീണ് കൃഷ്ണമൂര്ത്തി, ഹരികുമാര് ആറ്റിങ്ങല്, ചേറ്റുപുഴ രാധാകൃഷ്ണന്, രാമദാസന് പോറ്റി, ഡോ. ബാബു ശര്മ്മ എന്നിവരും ആശംസകള് അര്പ്പിച്ചു.
പ്രതികരിക്കാൻ ഇവിടെ എഴുതുക: