ചങ്ങനാശേരി: റവന്യൂ ടവറില് പ്രവര്ത്തിക്കുന്ന റീജണല് ട്രാന്സ്പോര്ട്ട് കാര്യാലയത്തിന്റെ ജനറേറ്റര് ഉപയോഗിക്കാതെ കിടക്കാന് തുടങ്ങിയിട്ട് വര്ഷം രണ്ടുകഴിഞ്ഞു. പത്തുവര്ഷം മുന്പ് സ്ഥാപിച്ച് ജനറേറ്ററാണ് നിസാരമായ ബാറ്ററിയുടെ കേടുനിമിത്തം ഉപയോഗിക്കാതെ നശിച്ചുകൊണ്ടിരിക്കുന്നത്. ജനങ്ങള്ക്ക് കാര്യക്ഷമമായി സേവനം നല്കുന്നതിനാണ് ജനറേറ്റര് സ്ഥാപിച്ചത് ബന്ധപ്പെട്ട ഉദ്യോഗസ്ഥര്ക്ക് സേവനം നല്കുന്നതില് അത്രവലിയ താല്പ്പര്യം ഇല്ലായെന്നാണ് ഇത് കാണിക്കുന്നത്. കമ്പ്യൂട്ടറൈസ്ഡ് സേവനങ്ങള് നല്കി ഉപഭോക്താക്കള്ക്ക് വേഗം അവരുടെ ആവശ്യങ്ങള് നടത്തിക്കൊടുക്കുന്നതിനാണ് ജനറേറ്റര് സ്ഥാപിച്ചത്.ഫാസ്റ്റ് ട്രാക്ക് സംവിധാനമുള്ള ഇവിടെ ഏങ്ങനെ ഇത് സാധ്യമാകും എന്നാണ്ഉപഭോക്താക്കള് ചോദിക്കുന്നത്. നഗരത്തിലാണെങ്കില് ദിവസവും മൂന്നും നാലും മണിക്കൂറാണ് വൈദ്യുതി ലഭിക്കാതെ പ്രയാസപ്പെടുന്നത്. ഇത്തരത്തില് സേവനങ്ങള് എങ്ങനെ ഫാസ്റ്റ് ട്രാക്ക് സംവിധാനത്തില് നല്കണമെന്നുള്ളതാണ് ഉത്തരം കിട്ടാത്ത ചോദ്യമായി അവശേഷിക്കുന്നത്.
പ്രതികരിക്കാൻ ഇവിടെ എഴുതുക: