കണ്ണൂര്: ഈ വര്ഷത്തെ വികലാംഗദിനാഘോഷത്തിന്റെ ഭാഗമായി ഡിസംബര് 3, 4 തീയതികളില് കണ്ണൂരിലെ വിവിധ വേദികളില് കലാ, കായിക മത്സരങ്ങള് സംഘടിപ്പിക്കും. കലക്ടര് പി.ബാലകിരണിന്റെ അധ്യക്ഷതയില് കലക്ടറുടെ ചേമ്പറില് ചേര്ന്ന സംഘാടക സമിതി യോഗത്തില് ഇതിനായി വിപുലമായ പരിപാടികള് തയ്യാറാക്കി. 3 ന് പൊലീസ് പരേഡ് ഗ്രൗണ്ടില് കായിക മേളയും 4 ന് കലാമത്സരങ്ങളും നടക്കും.
എഡിഎം ഒ.മുഹമ്മദ് അസ്ലം, ജില്ലാ സാമൂഹ്യനീതി ഓഫീസര് പി.രാജീവന്, വിവിധ വികലാംഗ സംഘടനാ പ്രതിനിധികള്, സ്പെഷ്യല് സ്കൂള് മേധാവികള്, വിവിധ വകുപ്പ് മേധാവികള് തുടങ്ങിയവരും യോഗത്തില് സംബന്ധിച്ചു.
പൊലീസ് ഓഡിറ്റോറിയം (സീനിയര്), പൊലീസ് സൊസൈറ്റി ഹാള്(ജൂനിയര്), സ്പോര്ട്സ് കൗണ്സില് ഹാള് (സബ് ജൂനിയര്) എന്നീ വേദികളില് 4 വിഭാഗങ്ങളിലായിട്ടായിരിക്കും കലാമത്സരങ്ങള്. ഒരാള്ക്ക് രണ്ട് വ്യക്തിഗത ഇനങ്ങളില് മാത്രമേ മത്സരിക്കാനാവൂ. ഗ്രൂപ്പ് ഇനങ്ങളില് ഒരു സ്ഥാപനത്തില് നിന്ന് ഒരു ടീമിന് മാത്രമേ പങ്കെടുക്കാനാവൂ. പങ്കെടുക്കുന്നവരുടെ പേരുകള് 27 ന് വൈകിട്ട് 5 മണിക്കകം ജില്ലാ സാമൂഹ്യനീതി ഓഫീസില് രജിസ്റ്റര് ചെയ്യണം.
കലാമേളയിലെ മത്സര ഇനങ്ങള്: അന്ധര് (ജൂനിയര്, സീനിയര്) – പ്രസംഗം, സിനിമാ ഗാനം, മിമിക്രി, മോണോ ആക്ട്, കവിതാപാരായണം, ക്വിസ്. അസ്ഥിസംബന്ധമായ വൈകല്യമുളളവര് – പ്രസംഗം, സിനിമാ ഗാനം, മിമിക്രി, കവിതാപാരായണം, ക്വിസ് (ജൂനിയര്, സീനിയര്), പ്രച്ഛന്നവേഷം(സബ് ജൂനിയര്, ജൂനിയര്). ബധിരമൂക വിഭാഗം (സബ് ജൂനിയര്, ജൂനിയര്, സീനിയര്)-ഓര്മ പരിശോധന, സിംഗിള് ഡാന്സ്, ഗ്രൂപ്പ് ഡാന്സ്, മൈം, പ്രച്ഛന്നവേഷം. ബുദ്ധിമാന്ദ്യമുളളവര് (സബ് ജൂനിയര്, ജൂനിയര്, സീനിയര്) – സിനിമാ ഗാനം, സമൂഹഗാനം(5 പേര്) നാടോടി നൃത്തം, ഗ്രൂപ്പ് ഡാന്സ്(7 പേര്), പ്രച്ഛന്നവേഷം.
കായിക മത്സരങ്ങള്: അസ്ഥിസംബന്ധമായ വൈകല്യമുളളവര്-സോഫ്റ്റ്ബോള് ത്രോ(സബ് ജൂനിയര്, ജൂനിയര്), 50 മീറ്റര് ഓട്ടം (സബ് ജൂനിയര്), 100 മീറ്റര് ഓട്ടം അപ്പര് ലിമ്പ്, 100 മീറ്റര് ഓട്ടം ലോവര് ലിമ്പ്, ഷോട്ട്പുട്ട്(ജൂനിയര്,സീനിയര്). കാഴ്ചസംബന്ധമായ വൈകല്യമുളളവര് – സ്റ്റാന്റിങ്ങ് ലോംഗ്ജമ്പ് (സബ് ജൂനിയര്, ജൂനിയര്, സീനിയര്), ഷോട്ട്പുട്ട്, ഡിസ്കസ് ത്രോ, ഭാഗികമായി കാഴ്ചയുളളവരുടെ 50 മീറ്റര് നടത്തം, പൂര്ണ്ണമായി കാഴ്ചയില്ലാത്തവരുടെ വടി ഉപയോഗിച്ചുളള 50 മീറ്റര് നടത്തം ്(ജൂനിയര്,സീനിയര്). ബധിരമൂക വിഭാഗം – 50 മീറ്റര് ഓട്ടം (സബ് ജൂനിയര്, ജൂനിയര്, സീനിയര്), 100 മീറ്റര് ഓട്ടം, ലമണ് & സ്പൂണ് റെയ്സ്, ചെയര്പ്ലേ (ജൂനിയര്,സീനിയര്).ബുദ്ധിമാന്ദ്യമുളളവര് – 50 മീറ്റര് ഓട്ടം (സബ്ജൂനിയര്), 100 മീറ്റര് ഓട്ടം, ഷോട്ട്പുട്ട് (ജൂനിയര്,സീനിയര്), സ്റ്റാന്റിങ്ങ് ലോങ്ജമ്പ്, സോഫ്റ്റ്ബോള് ത്രോ (സബ് ജൂനിയര്, ജൂനിയര്), ചെയര്പ്ലേ(സീനിയര്). ആണ്കുട്ടികള്ക്കും പെണ്കുട്ടികള്ക്കും വെവ്വേറെ മത്സരം നടത്തും.
പ്രതികരിക്കാൻ ഇവിടെ എഴുതുക: