പയ്യന്നൂര്: യോഗക്ഷേമ സഭ ചെറുതാഴം ഉപസഭയുടെ ആഭിമുഖ്യത്തില് നടന്നുവരുന്ന സനാതന ധര്മ്മ പ്രകാശിക ആധ്യാത്മിക പ്രഭാഷണ പരമ്പരയുടെ നാലാം ഭാഗം ചെറുതാഴം വാരണക്കോട് എല്പി സ്കൂളില് നടന്നു. വെള്ളിയാട് മാധവന് നമ്പൂതിരി ശങ്കരദര്ശനം എന്ന വിഷയത്തില് പ്രഭാഷണം നടത്തി. ആദ്വൈത വേദാന്തത്തിന്റെ ദാര്ശനികതലം ലളിതമായ ഉദാഹരണങ്ങളോടെ പ്രഭാഷകന് വിശദീകരിച്ചു. ഭാരത സംസ്കാരത്തിന്റെ അടിത്തറയായ ഉന്നതമായ ചിന്തകളാണ് വേദാന്തമെന്നും ശങ്കരാചാര്യ സ്വാമികളാണ് അദ്വൈത വേദാന്ത ദര്ശനത്തിന് പ്രചുര പ്രചാരം നല്കിയതെന്നും അദ്ദേഹം എടുത്തു പറഞ്ഞു. ചടങ്ങില് വാച്ചവിദ്വാന് മാധവന് നമ്പൂതിരി, ഇരിവേരി പുടയൂര് ഹരിജയന്തന് നമ്പൂതിരി, വാരണക്കോട് കൃഷ്ണന് നമ്പൂതിരി, ഡോ.കൊമ്പങ്കുളം വിഷ്ണു നമ്പൂതിരി, ശങ്കരന് നമ്പൂതിരി എന്നീ ആചാര്യ ശേഷ്ഠര് മന്ത്രഘോഷത്തോടെ ദീപപ്രോജ്വലനം നിര്വ്വഹിച്ചു.
പുരോഹിതന്മാര്, തന്ത്രിവര്യന്മാര്, ജ്യോതിഷ് പണ്ഡിതന്മാര്, ഭാഗവതാചാര്യന്മാര്, സംസ്കൃത പണ്ഡിതന്മാര് തുടങ്ങി ആധ്യാത്മിക മണ്ഡലത്തിലെ പ്രമുഖ വ്യക്തികള് സംബന്ധിച്ചു. പ്രഭാഷണത്തെത്തുടര്ന്ന് നടന്ന സംവാദത്തില് ഡോ.പി.മനോഹരന് മാസ്റ്റര്, നിലമന വിഷ്ണു നമ്പൂതരി, ഗോവിന്ദന് മാസ്റ്റര്, മാടമന സുബ്രഹ്മണ്യന് നമ്പൂതിരി, എം.കൃഷ്ണപ്രസാദ്, കൈതപ്രം വാസുദേവന് നമ്പൂതിരി, മേപ്പള്ളി നാരായണന് നമ്പൂതിരി തുടങ്ങിയവര് സംസാരിച്ചു. സംശയങ്ങള്ക്ക് വെള്ളിയോട് മാധവന് നമ്പൂതിരി, ഡോ.വാരണക്കോട് ഗോവിന്ദന് നമ്പൂതിരി എന്നിവര് മറുപടി പറഞ്ഞു. ഭാഗവതാചാര്യന് കാരക്കാട് കേശവന് നമ്പൂതിരി, മുന് ബദരീനാഥ് റാവന്ജി പാച്ചമംഗലം ശ്രീധരന് നമ്പൂതിരി എന്നിവര് ചര്ച്ച സംഗ്രഹിച്ച് അനുഗ്രഹ ഭാഷണം നടത്തി.
ചടങ്ങില് ഉപസഭാപ്രസിഡണ്ട് കെ.വി.വാസുദേവന് നമ്പൂതിരി അധ്യക്ഷത വഹിച്ചു. കെ.പി.ഹരിനമ്പൂതിരി സ്വാഗതവും വി.ജെ.പി.നാരായണന് നമ്പൂതിരി നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: