ചങ്ങനാശ്ശേരി: ജനാധിപത്യത്തില് വോട്ട് ചെയ്ത് വിജയിപ്പിച്ച ജനങ്ങളാണ് രാജാക്കന്മാരെന്നും ജനപ്രതിനിധികള് അവരുടെ ദാസന്മാരാണെന്നും പുതിയ ചെയര്മാനായി സത്യപ്രതിജ്ഞ ചെയ്ത് അധികാരം ഏറ്റ ശേഷം നടത്തിയ പ്രസംഗത്തില് നഗരസഭ ചെയര്മാന് സെബാസ്റ്റ്യന് മാത്യു മണമേല് പറഞ്ഞു.
തകര്ന്നു കിടക്കുന്ന തിരുമല-ഇരൂപ്പാ റോഡ് അടിയന്തിരമായി സഞ്ചാരയോഗ്യമാക്കണമെന്ന് ആവശ്യപ്പെട്ട നിവേദനം ലഭിച്ചു. ചെയര്മാനായ ശേഷം ആദ്യമായി ലഭിച്ച നിവേദനമാണ്. നഗരത്തിലോടുന്ന ഓട്ടോറിക്ഷകള്ക്ക് നഗരസഭ ഓട്ടോ സ്റ്റാന്റ് അനുവദിച്ച് നല്കണമെന്നും ആവശ്യപ്പെട്ട് നിവേദനം ലഭിച്ചു. നഗരത്തിലെ മാലിന്യ പ്രശ്നം പരിഹരിക്കുന്നതിനാണ് ആദ്യപരിഗണനയെന്നും തെരുവുവിളക്കുകള് പ്രകാശിക്കാത്തതും തകര്ന്ന റോഡുകള് നന്നാക്കുന്നതിനും നടപടികള് സ്വീകരിക്കുമെന്നും ചെയര്മാന് പറഞ്ഞു.
നിയമപരമായി നടപടിക്രമങ്ങള് പൂര്ത്തീകരിക്കാതെ ചെയ്ത കാര്യങ്ങള് കഴിഞ്ഞ നഗരസഭ ചെയ്തിട്ടുണ്ടെങ്കില് അവ പുനപരിശോധിക്കും. നഗരത്തിലെ തെരുവുനായ്ക്കളുടെ ശല്യത്തിന് പരിഹാരം കാണും.എല്ലാ വിഭാഗത്തില്പ്പെട്ടവരോടും പ്രതിപക്ഷത്തിനോടും ആലോചിച്ചശേഷമായിരിക്കും നടപടികള് സ്വീകരിക്കുകയെന്നും ചെയര്മാന് പറഞ്ഞു.
പ്രതികരിക്കാൻ ഇവിടെ എഴുതുക: