കോട്ടയം: അഴിമതി രഹിത ഭരണത്തിന് ഊന്നല് നല്കുമെന്ന് കോട്ടയം നഗരസഭാ ചെയര്പേഴ്സണ് ഡോ പി ആര് സോന. കോട്ടയം പ്രസ്ക്ലബ്ബ് സംഘടിപ്പിച്ച മുഖാമുഖം പരിപാടിയില് പങ്കെടുത്ത് സംസാരിക്കുകയായിരുന്നു അവര്. താന് ഒരു കോക്കസിന്റെയും ഭാഗമാകാനില്ല.
നാടിന് വേണ്ടി പലതും ചെയ്യാനാണ് താല്പ്പര്യമെന്നും അവര് കൂട്ടിച്ചേര്ത്തു. സമ്മര്ദ്ദങ്ങള്ക്കു വഴങ്ങിയുള്ള ഭരണമായിരിക്കില്ല ഇനി നടക്കാന് പോവുന്നതെന്നും ചെയര്പേഴ്സന് വ്യക്തമാക്കി. നഗരത്തിലെ ശൗച്യാലയങ്ങളുടെ പോരായ്മ, തെരുവുവിളക്കുകള് സ്ഥാപിക്കുക, സീബ്രാ ക്രോസ് വരയ്ക്കുക, മാലിന്യ നിര്മാര്ജ്ജനം, തിരുനക്കര മൈതാനം, സ്റ്റേഡിയം എന്നിവയുടെ നവീകരണം തുടങ്ങിയ അടിയന്തര വിഷയങ്ങള് പരിഹരിക്കാന് ശ്രമിക്കും. മാലിന്യനിര്മാര്ജ്ജനത്തിന് വികേന്ദ്രീകൃത പദ്ധതികള് നടപ്പാക്കും. കലയുടെയും സംസ്കാരിക മേഖലയുടെയും ഉന്നമനം ലക്ഷ്യമിട്ട് സാംസ്കാരിക കേന്ദ്രം നിര്മിക്കുന്ന കാര്യം പരിഗണിക്കും. സാധാരണ ജനങ്ങളുടെ അവകാശങ്ങള് നേടിയെടുക്കാനുള്ള അവസരമുണ്ടാക്കാന് ശ്രമിക്കുമെന്ന് നഗരസഭ ഉപാധ്യക്ഷ ജാന്സി ജേക്കബ്് പറഞ്ഞു. ഇത്തവണ ആവര്ത്തന ബജറ്റായിരിക്കില്ല അവതരിപ്പിക്കുന്നത്.
നഗരസഭാ ഉദ്യോഗസ്ഥരും കക്ഷിരാഷ്ട്രീയ ഭേദമെന്യേ ജനപ്രതിനിധികളുമായി കൂടിയാലോചിച്ച് ജനോപകാരപ്രദവും വികസനോന്മുഖവുമായ ബജറ്റായിരിക്കും അവതരിപ്പിക്കുമെന്നും ജാന്സി പറഞ്ഞു.
പ്രതികരിക്കാൻ ഇവിടെ എഴുതുക: