തിരുവനന്തപുരം: ആറ്റിങ്ങല് മാമം പാലത്തില് നിന്ന് ബസ് ആറ്റിലേക്ക് തലകീഴായി മറിഞ്ഞു.. വൈകിട്ട് അഞ്ചരയോടെയാണ് അപകടം. നിരവധി പേര്ക്ക് പരിക്കേറ്റിട്ടുണ്ട്. മുപ്പതോളം പേരാണ് ബസില് ഉണ്ടായിരുന്നത്. ഇതില് ഗുരുതരമായി പരിക്കേറ്റ പത്തോളം പേരെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ഐശ്വര്യ എന്ന സ്വകാര്യ ബസാണ് അപകടത്തില്പ്പെട്ടത്. ബസ് പാലത്തിന്റെ കൈവരികള് തകര്ത്ത് 30 അടി താഴ്ചയിലേക്ക് മറിയുകയായിരുന്നു.
എതിരെ വന്ന ഇരുചക്രവാഹനത്തെ വെട്ടിച്ചപ്പോഴാണ് അപകടം. അതേസമയം, മല്സരയോട്ടത്തിനിടെ ബസിന്റെ നിയന്ത്രണം വിടുകയായിരുന്നുവെന്ന് ദൃക്സാക്ഷികള് പറഞ്ഞു.
പ്രതികരിക്കാൻ ഇവിടെ എഴുതുക: