കൊച്ചി: കൊച്ചി അന്താരാഷ്ട്ര പുസ്തകോത്സവ സമിതിയുടെ പത്രപ്രവര്ത്തക പുരസ്കാരത്തിന് കേരളകൗമുദി കൊച്ചി ബ്യൂറോ ചീഫും പ്രത്യേക ലേഖകനുമായ എം.എസ്. സജീവന് അര്ഹനായി. ഫാക്ടിനെക്കുറിച്ചുള്ള റിപ്പോര്ട്ടിനാണ് പുരസ്കാരം. ദൃശ്യമാദ്ധ്യമരംഗത്തെ പുരസ്കാരത്തിന് കൈരളി ടി.വിയിലെ സമീര് സി. അര്ഹനായി. പ്രശസ്തിപത്രവും ഫലകവും അയ്യായിരം രൂപയും ഉള്പ്പെടുന്നതാണ് പുരസ്കാരമെന്ന് പുസ്തകോത്സവ സമിതി സെക്രട്ടറി ഇ.എന് നന്ദകുമാര് അറിയിച്ചു.
ഡിസംബര് എട്ടിന് എറണാകുളം ശിവക്ഷേത്ര മൈതാനത്ത് നടക്കുന്ന 19 ാമത് അന്താരാഷ്ട്ര പുസ്തകോത്സവത്തിലെ ചടങ്ങില് പുരസ്കാരങ്ങള് സമ്മാനിക്കും. കേരള പ്രസ് അക്കാഡമി മുന് ചെയര്മാനും പ്രശസ്ത പ്രവര്ത്തകനുമായ വി.പി രാമചന്ദ്രനെ ചടങ്ങില് ആദരിക്കും. കേവീയെസ് ഹരിദാസ്, കെ. രാധാകൃഷ്ണന്, അഡ്വ.എം ശശിശങ്കര് എന്നിവരുള്പ്പെട്ട സമിതിയാണ് ജേതാക്കളെ നിര്ണയിച്ചത്.
പാലാ സെന്റ് തോമസ് കോളേജില് നിന്ന് ബിരുദവും കേരള പ്രസ് അക്കാഡമിയില് നിന്ന് പത്രപ്രവര്ത്തനത്തില് പി.ജി ഡിപ്ളോമയും നേടിയ സജീവന് 2000 മുതല് കേരളകൗമുദിയില് പ്രവര്ത്തിക്കുന്നു. ഇടുക്കി ബ്യൂറോയിലും പ്രവര്ത്തിച്ചിട്ടുണ്ട്. ഭാര്യ : ഷിജിമോള് കെ.കെ. മകള് : അപര്ണ
പ്രതികരിക്കാൻ ഇവിടെ എഴുതുക: