കൊച്ചി: കേരള ലളിത കലാ അക്കാദമിയുടെ 2016 ലെ സംസ്ഥാന കലാപ്രദര്ശനത്തിനും പുരസ്കാരങ്ങള്ക്കും തിരഞ്ഞെടുക്കുന്നതിന് എന്ട്രികള് ക്ഷണിച്ചു. പെയ്ന്റിങ്, ഡ്രോയിങ്, ഗ്രാഫിക് പ്രിന്റ്, ശില്പം എന്നീ വിഭാഗങ്ങളില് വരുന്ന കലാസൃഷ്ടികളാണ് വാര്ഷിക പ്രദര്ശനത്തിനും പുരസ്കാരത്തിനും പരിഗണിക്കുക. അഞ്ച് മുഖ്യ പുരസ്കാരങ്ങള്ക്ക് പുറമെ അഞ്ച് വീതം ഓണറബിള് മെന്ഷന് പുരസ്കാരങ്ങളും സ്പെഷ്യല് മെന്ഷന് പുരസ്കാരങ്ങളും (കലാവിദ്യാര്ഥികള്ക്ക്) നല്കും. മികച്ച പ്രകൃതി ചിത്രങ്ങള്ക്കും ഛായാചിത്രങ്ങള്ക്കും പ്രത്യേക സ്വര്ണമെഡലും എന്ഡോവ്മെന്റുകളും നല്കും. പ്രദര്ശനത്തിന് സമര്പ്പിക്കുന്ന കലാസൃഷ്ടികളില് നിന്നാണ് തെരഞ്ഞെടുപ്പ്. സംസ്ഥാന പ്രദര്ശനത്തില് പങ്കെടുക്കാനാഗ്രഹിക്കുന്നവര് 2014 ന് ശേഷം രചിച്ച മൂന്ന് കലാസൃഷ്ടികളുടെ 10 ഇഞ്ച് (25 സെ.മീ) നീളവും ആനുപാതിക വീതിയും വരുന്ന ഫോട്ടോഗ്രാഫുകള് കലാസൃഷ്ടിയുടെ നീളം, വീതി (ശില്പങ്ങളുടെ കാര്യത്തില് തറവിസ്താരവും ഉയരവും) മാധ്യമം, കലാസൃഷ്ടിയുടെ പേര് തുടങ്ങിയ വിശദാംശങ്ങളും കലാകാരന്റെ ലഘുജീവചരിത്രക്കുറിപ്പും പൂര്ണ മേല്വിലാസവും (ഫോണ് നമ്പറടക്കം) രേഖപ്പെടുത്തി 2015 ഡിസംബര് 15 നകം സെക്രട്ടറി, കേരള ലളിതകലാ അക്കാദമി തൃശൂര്20 വിലാസത്തില് അയക്കണം. കവറിനു പുറത്ത് സംസ്ഥാന പ്രദര്ശനം 2016 എന്ന് രേഖപ്പെടുത്തണം. ഫോട്ടോഗ്രാഫുകള് തിരികെ ലഭിക്കുവാന് സ്വന്തം മേല്വിലാസമെഴുതി മതിയായ സ്റ്റാമ്പ് പതിച്ച കവര് ഉളളടക്കം ചെയ്യണം.പ്രദര്ശനത്തിനുളള പ്രാഥമിക തിരഞ്ഞെടുപ്പിനു ശേഷം അര്ഹരായ കലാകാരന്മാരെ വിവരം അറിയിക്കും. സംസ്ഥാന പ്രദര്ശനത്തിനുളള അപേക്ഷ ഫാറം അക്കാദമിയുടെ വെബ്സൈറ്റില് നിന്നും ലഭ്യമാണ്. (ംംം.ഹമഹശവേമസമഹമ.ീൃഴ)
പ്രതികരിക്കാൻ ഇവിടെ എഴുതുക: