ചങ്ങനാശേരി: മുപ്പത്തിയാറാമത് മന്നം ട്രോഫിക്കായുള്ള കലാകായികമേളയ്ക്ക് തുടക്കം കുറിച്ചു. പെരുന്ന എന്എസ്എസ് ബോയ്സ് ഹൈസ്ക്കൂളില് പ്രൊഫ. കെ.വി. രവീന്ദ്രനാഥന് നായര് പതാക ഉയര്ത്തിയതോടെ കലാ-കായികമേളയ്ക്ക് ആരംഭമായി. മന്നം സമാധിമണ്ഡപത്തില് നിന്നുമുള്ള ഭദ്രദീപഘോഷയാത്രയ്ക്ക് ജനറല് സെക്രട്ടറി ജി. സുകുമാരന്നായര് ഭദ്രദീപം തെളിയിച്ചു.എന്എസ്എസ് ഹിന്ദുകോളേജ് ഓഡിറ്റോറിയത്തില് നടന്ന സമ്മേളനത്തില് മന്ത്രി തിരുവഞ്ചൂര് രാധാകൃഷ്ണന് കലാ-കായികമേള ഉദ്ഘാടനം ചെയ്തു്. സ്കൂളുകളില് മുന്കാലങ്ങളില് പഠനയോഗ്യതയ്ക്ക് മാത്രമായിരുന്നു മുന്തൂക്കം. അത് ജോലി മുന്നിര്ത്തി മാത്രമായിരുന്നു. ഇത്തരം കലാമേളകള് വളര്ന്നവരുന്ന കുട്ടികളുടെ കഴിവിനെ പ്രോത്സാഹിപ്പിക്കുന്നു. ഇത് അവര്ക്ക് കൂടുതല് അവസരങ്ങള് തുറന്നുകൊടുക്കുന്നു. കഴിഞ്ഞ ദേശീയ ഗയിംസിന് കേരളത്തില് കായിക വികസനത്തിന്റെ ഭാഗമായി 1200 കോടി രൂപ ചെലവില് നിരവധി സ്റ്റേഡിയങ്ങള് നിര്മ്മിച്ചു. ഇത് കേരളത്തിലെ കായികതാരങ്ങളുടെ പരിശീലനത്തിനും ദേശീയതലത്തിലും അന്തര്ദേശീയതലത്തിലും കൂടുതല് നേട്ടങ്ങള് ഉണ്ടാക്കുന്നതിനും ഉപകരിക്കും.
എന്എസ്എസ് പ്രസിഡന്റ് അഡ്വ. പി.എന്. നരേന്ദ്രനാഥന്നായര് അദ്ധ്യക്ഷത വഹിച്ചു. എന്എസ്എസ് സ്കൂള്സ് ജനറല് മാനേജര് & ഇന്സ്പെക്ടര് പ്രൊഫ. കെ.വി. രവീന്ദ്രനാഥന്നായര് മന്നം ആര്ട്സ് & സ്പോര്ട്സ് അസോസിയേഷന് വൈസ് പ്രസിഡന്റ് ആര്. ഹരീന്ദ്രനാഥന്നായര് എന്നിവര് സംസാരിച്ചു.11 വേദികളിലായി എന്എസ്എസ് വിദ്യാലയങ്ങളിലെ നേഴ്സറി വിഭാഗം മുതല് പ്ലസ് ടൂ, ടി.ടി.സി. തലം വരെ പഠിക്കുന്ന വിദ്യാര്ത്ഥികളാണ് വിവിധ മത്സരങ്ങളില് പങ്കെടുക്കുന്നത്. ഇന്ന് വൈകിട്ട് 5.00 ന് കേരളകലാമണ്ഡലം കല്പിതസര്വകലാശാല വൈസ് ചാന്സലര് പി.എന്. സുരേഷ് കലാമത്സരങ്ങളുടെ സമ്മാനങ്ങള് വിതരണം ചെയ്യും. എന്.എസ്.എസ്. ട്രഷറര് ഡോ. എം. ശശികുമാര് അദ്ധ്യക്ഷത വഹിക്കും.നാളെ രാവിലെ 9. ന് സമുദായാചാര്യന് മന്നത്തു പത്മനാഭന്റെ സമാധിമണ്ഡപത്തില് നിന്നുള്ള ദീപശിഖാപ്രയാണം എന്.എസ്.എസ്. ഹിന്ദുകോളേജ് ഗ്രൗണ്ടിലെത്തുമ്പോള്, കായികമത്സരങ്ങള് കാഞ്ഞിരപ്പള്ളി എം.എല്.എ. ഡോ. എന്. ജയരാജ് ഉദ്ഘാടനം ചെയ്യും. 24.ന് ചൊവ്വാഴ്ച വൈകിട്ട് 4.30 ന് നടക്കുന്ന സമാപനസമ്മേളനത്തില് എന്.എസ്.എസ്. ജനറല് സെക്രട്ടറി ജി. സുകുമാരന്നായര് വിജയികള്ക്ക് സമ്മാനങ്ങള് വിതരണം ചെയ്യും. എന്.എസ്.എസ്. ഡയറക്ടര് ബോര്ഡ് മെമ്പര് ഹരികുമാര് കോയിക്കല് അദ്ധ്യക്ഷത വഹിക്കും.
പ്രതികരിക്കാൻ ഇവിടെ എഴുതുക: