പാലാ: നഗരസഭയില് ചെയര്പേഴ്സണും വൈസ് ചെയര്മാനും ഒരു ചേമ്പറില് ഇരിപ്പടം ഒരുക്കിയിരിക്കുന്നതായി ആക്ഷേപം. നഗരസഭയുടെ ഭരണം മുന് ചെയര്മാന്കൂടിയായ വൈസ് ചെയര്മാന്റെ നിയന്ത്രണത്തിലാക്കുന്നതിന്റെ ഭാഗമാണിതെന്ന് ആക്ഷേപം ഉയര്ന്നിരിക്കുന്നത്. വൈസ് ചെയര്മാനും സ്റ്റാന്റിംഗ് കമ്മറ്റിയദ്ധ്യക്ഷന്മാര്ക്കും പ്രത്യേകം ഓപീസും ഇരിപ്പടവുമുള്ളപ്പോള് കീഴ്വഴക്കം ലംഘിച്ചുള്ള നടപടി അധികാര ദുര്വിനിയോഗത്തിലേയ്ക്കും ചെയര്പേഴ്സന്റെ ഓഫീസിന്റെ അന്തസിന് കളങ്കമുണ്ടാക്കുന്നതാണെന്നുമുള്ള ആക്ഷേപമാണുയര്ന്നിട്ടുള്ളത്.
നഗരസഭാദ്ധ്യക്ഷയുടെ ഓഫീസില് ഭരണപരമായ വിവിധ ആവശ്യങ്ങള് ചര്ച്ച ചെയ്യാനെത്തുന്ന സഹ കൗണ്സിലര്മാരും ഉദ്യോഗസ്ഥരും ഈ നടപടിയില് അസ്വസ്ഥരാണ്.
നഗരസഭയുടെ ഭരണം കാര്യക്ഷമമാക്കുന്നതിന് മുന് ചെയര്മാന്കൂടിയായ വൈസ് ചെയര്മാന്റെ പരിചയസമ്പത്ത് കൂടി പ്രയോജനപ്പെടുത്തുന്നതിനാണ് ഈ നടപടിയെന്നാണ് ചെയര്പേഴ്സണ് ലീന സണ്ണിയുടെ വിശദീകരണം.
പ്രതികരിക്കാൻ ഇവിടെ എഴുതുക: